امریکی تحقیقاتی ادارے ایف بی آئی نے پاکستان میں تعینات ایرانی سفیر رضا امیر مقدم کو انتہائی مطلوب افراد کی فہرست میں شامل کر لیا ہے۔
یہ بھی پڑھیں: ترکیہ کو مطلوب ترین داعش دہشتگرد ابو یاسر التُرکی پاکستانی تعاون سے گرفتار
موصولہ تفصیلات کے مطابق ایرانی سفارتکار رضا امیر مقدم پر سابق امریکی ریٹائرڈ خصوصی ایجنٹ باب لیونسن کے اغوا میں ملوث ہونے کا الزام ہے۔
رپورٹ میں یہ بھی بتایا گیا ہے کہ ایرانی سفیر کے علاوہ مزید دو ایرانی اہلکاروں پر بھی باب لیونسن کے اغوا میں شریک ہونے کا الزام عائد کیا گیا ہے۔
واضح رہے کہ باب لیونسن کو 2007 میں ایران کے جزیرہ کیش سے اغوا کیا گیا تھا۔
ایف بی آئی کا کہنا ہے کہ لیونسن کے اغوا میں ملوث افراد کو قانون کے کٹہرے میں لانے کے لیے ادارے کی کوششیں بدستور جاری رہیں گی۔
یہ بھی پڑھیں: پاکستان نے امریکا کو مطلوب دہشتگرد کیسے پکڑا؟
ابھی تک ایران کی جانب سے اپنے سفیر کا نام مطلوب افراد میں شامل کیے جانے پر کوئی باضابطہ ردعمل سامنے نہیں آیا ہے۔
