وزیراعلیٰ بلوچستان میر سرفراز بگٹی کی ایک ویڈیو سوشل میڈیا پر وائرل ہو رہی ہے جس میں انہیں لندن میں لانگ ڈرائیو کے دوران داستان سنتے اور گنگناتے ہوئے دیکھا جا سکتا ہے۔
سرفراز بگٹی کی ویڈیو دیکھ کر صارفین انہیں خوب تنقید کا نشانہ بنا رہے ہیں۔ احمد حسن بوبک نے ویڈیو شیئر کرتے ہوئے لکھا کہ یہ وزیر اعلیٰ بلوچستان سرفراز بگٹی ہیں جو بلوچستان کے غریب لوگوں کے پیسوں پر اس وقت لندن میں عیاشیاں کر رہے ہیں۔
انہوں نے سرفراز بگٹی کو آڑے ہاتھوں لیتے ہوئے کہا کہ بلوچستان میں اس وقت دہشتگردی عروج پر ہے اور اس وزیر اعلیٰ کے حالات دیکھیں ان کو کوئی فکر ہی نہیں ہے۔
بد قسمت بلوچستان
یہ وزیر اعلیٰ بلوچستان سرفراز بگٹی ہے یہ اس وقت لندن میں عیاشیاں کر رہا ہے وہ بھی بلوچستان کے غریب غربا کے پیسوں پر
بلوچستان میں اس وقت دہشتگردی عروج پر ہے اور اس وزیر اعلیٰ کے حالات دیکھیں اس کو کوئی فکر ہی نہیں ہے pic.twitter.com/9E4sGm2Snj
— Ahmad Hassan Bobak (@ahmad__bobak) July 16, 2025
ڈاکٹر عرفان اشرف نے کہا کہ بلوچستان میں دہشتگردوں کی فائرنگ سے کئی معصوم مسافر شہید ہو گئے اور وزیر اعلی بلوچستان لندن میں اپنی موج میں ہیں۔ ان کا کہنا تھا کہ بلوچستان کو جس طرح موجودہ حکومت کی بے حسی نے تباہ کیا ہے اس کی مثال نہیں ملتی۔ سرفراز بگٹی بلوچستان کو تباہی کے دہانے پر لے آئے ہیں ۔
بلوچستان میں آج پھر دہشتگردوں کی فائرنگ سے کہیں معصوم مسافر شہید ہو گئے اور وزیر اعلی بلوچستان @PakSarfrazbugti لندن میں اپنی موج میں ہیں – بلوچستان کو جس طرح موجودہ حکومت کی بے حسی نے تباہ کیا ہے اس کی مثال نہیں ملتی ۔ انوار الحق کاکڑ کی سرپرستی میں سرفراز بگٹی بلوچستان کو تباہی… pic.twitter.com/k0bfmxDIN5
— Dr Irfan Ashraf (@irfanashraf36) July 16, 2025
طارق عزیز نے لکھا کہ بلوچستان دہشتگردی کی زد میں ہے اور وزیراعلیٰ بلوچستان لندن میں لانگ ڈرائیو کے دوران مست توکلی اور سمی کی لوک داستان سن اور گنگنا رہے ہیں۔
بلا عنوان بلا تبصرہ، سلگتا،جلتا دہشت گردی کی زد میں صوبے بلوچستان کے وزیر اعلٰ میر سرفراز بگٹی لندن میں لانگ ڈرائیو کے دوران "مست توکلی اور سمی کی لوک داستان سنتے اور گنگناتے ہوئے۔۔ pic.twitter.com/pvPoMMdu0E
— Tariq Aziz (@Tariq_aziz99) July 16, 2025
صدیق جان نے کہا کہ بلوچستان کے حالات دیکھیں اور وزیر اعلیٰ کی ترجیحات۔
بلوچستان کے حالات دیکھیں اور وزیر اعلیٰ کی ترجیحات https://t.co/yrWoAcGixi
— Siddique Jan (@SdqJaan) July 16, 2025
ایک ایکس صارف نے لکھا کہ کیا خوب منافقت ہے، بلوچستان دھماکوں، لاپتہ افراد، اور خون آلود زمین میں جل رہا ہے، اور اس کا وزیر اعلیٰ لندن کی شاہراہوں پر سکون سے لانگ ڈرائیو پر لوک داستانیں گنگنا رہا ہے۔
ان کا مزید کہنا تھا کہ سرفراز بگٹی کو اگر واقعی مست توکلی اور سمی کی قدر ہوتی تو وہ ان کی سرزمین پر بیٹھ کر ان کے دکھ سنتا، نہ کہ غیر ملکی فضاؤں میں ان کی کہانیوں سے لطف اٹھاتا۔
کیا خوب منافقت ہے! بلوچستان دھماکوں، لاپتہ افراد، اور خون آلود زمین میں جل رہا ہے، اور اس کا وزیر اعلیٰ لندن کی شاہراہوں پر سکون سے لانگ ڈرائیو پر لوک داستانیں گنگنا رہا ہے۔
یہی ہے اشرافیہ کا دردِ دل — اقتدار میں عوام کے نام پر، مگر وقت گزاری اپنی عیاشی میں۔
سرفراز بگٹی کو اگر…— Nazir Ahmed Mahar (@nazirmahar117) July 16, 2025
واضح رہے کہ بلوچستان کے علاقے سرہ ڈاکئی میں فتنۃ الہندوستان کے دہشتگردوں نے ایک سفاکانہ کارروائی میں پنجاب جانے والی بسوں کو روک کر مسافروں کو شناخت کے بعد اتار کر 9 بے گناہ پاکستانیوں کو شہید کر دیا تھا۔
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے بلوچستان کے ضلع آواران میں خفیہ اطلاعات کی بنیاد پر آپریشن کیا۔
آئی ایس پی آر کے مطابق سیکیورٹی فورسز نے نے مؤثر طریقے دہشتگردوں کے ٹھکانے کو نشانہ بنایا، جس کے نتیجے میں 3 دہشتگرد ہلاک ہوگئے، تاہم فائرنگ کے تبادلے میں پاک فوج کے آفیسر میجر سید رب نواز طارق شہید ہوگئے۔
