ایشین کرکٹ کونسل (اے سی سی) نے ایشیا کپ کے شیڈول کا اعلان کردیا ہے، جس کے مطابق پاکستان اور بھارت کے درمیان میچ 14 ستمبر کو کھیلا جائےگا۔
ایونٹ کا آغاز 9 ستمبر بروز منگل سے ہوگا جبکہ فائنل 28 ستمبر بروز اتوار کو کھیلا جائے گا۔
ٹورنامنٹ کے گروپ مرحلے میں 2 گروپس بنائے گئے ہیں۔ گروپ اے میں بھارت، پاکستان، متحدہ عرب امارات، عمان کی ٹیمیں شامل ہیں جبکہ گروپ بی میں بنگلہ دیش، سری لنکا، افغانستان اور ہانگ کانگ شامل ہیں۔
یہ بھی پڑھیے: ایشیا کپ متحدہ عرب امارات میں ہوگا، صدر اے سی سی محسن نقوی نے تاریخ کا اعلان کردیا
گروپ اسٹیج کے میچز کی تفصیل:
9 ستمبر: افغانستان بمقابلہ ہانگ کانگ
10 ستمبر: بھارت بمقابلہ یو اے ای
11 ستمبر: بنگلہ دیش بمقابلہ ہانگ کانگ
12 ستمبر: پاکستان بمقابلہ عمان
13 ستمبر: بنگلہ دیش بمقابلہ سری لنکا
14 ستمبر: بھارت بمقابلہ پاکستان
15 ستمبر: یو اے ای بمقابلہ عمان، سری لنکا بمقابلہ ہانگ کانگ
16 ستمبر: بنگلہ دیش بمقابلہ افغانستان
17 ستمبر: پاکستان بمقابلہ یو اے ای
18 ستمبر: سری لنکا بمقابلہ افغانستان
19 ستمبر: بھارت بمقابلہ عمان
گروپ اسٹیج کے بعد ہر گروپ کی دو ٹاپ ٹیمیں سپر4 مرحلے میں پہنچیں گی جن کے مقابلے 20 تا 26 ستمبر جاری رہیں گے۔
Schedule pic.twitter.com/tFPlPN7JGd
— Mohsin Naqvi (@MohsinnaqviC42) July 26, 2025
ایونٹ کا فائنل 28 ستمبر بروز اتوار کھیلا جائے گا جس میں سپر4 کی سرفہرست 2 ٹیمیں مدمقابل آئیں گی۔ ایونٹ میں سب سے زیادہ توجہ 14 ستمبر کو روایتی حریف بھارت اور پاکستان کے درمیان ہونے والے میچ پر مرکوز ہوگی۔
اس سے قبل ایشین کرکٹ کونسل کے صدر محسن نقوی نے ایشیا کپ 2025 متحدہ عرب امارات میں منعقد ہونے کا اعلان کیا تھا۔
