سپریم کورٹ میں 1980 کے رولز کی جگہ 2025 کے رولز باقاعدہ طور پر نافذ کر دیے گئے ہیں۔ سپریم کورٹ کے اعلامیے کے مطابق یہ رولز عہدِ حاضر کے جدید تقاضوں کے پیشِ نظر تیار کیے گئے ہیں۔
یہ بھی پڑھیں:سپریم کورٹ بار ایسوسی ایشن کا عدالت عظمیٰ میں فیسوں میں اضافے پر اظہار تشویش
رولز کی تشکیل کے لیے جسٹس شاہد وحید، جسٹس عرفان سعادت، جسٹس نعیم اختر افغان اور جسٹس عقیل عباسی پر مشتمل کمیٹی قائم کی گئی تھی، جس نے سپریم کورٹ کے ججز، پاکستان بار، سپریم کورٹ بار اور دیگر بارز سے بھی مشاورت کی۔
کمیٹی کی تجاویز کو سپریم کورٹ کی فل کورٹ کے سامنے پیش کیا گیا، جہاں غور و فکر کے بعد رولز 2025 کی منظوری دی گئی۔
