انڈونیشیا کے صوبے سولاویسی کے علاقے پوسو ریجنسی میں اتوار کی صبح 6.0 شدت کا زلزلہ آیا جس کے نتیجے میں کم از کم 29 افراد زخمی ہو گئے، جن میں 2 کی حالت تشویشناک بتائی جاتی ہے۔
یہ بھی پڑھیں:ترکیہ کے صوبے بالیق اسیر میں 6.1 شدت کا زلزلہ، امدادی کارروائیاں شروع
یہ زلزلہ زمین کے صرف 10 کلومیٹر گہرائی میں آیا، جس کی وجہ سے جھٹکے قریبی علاقوں میں بھی شدت سے محسوس کیے گئے۔
ملکی ڈیزاسٹر مینجمنٹ ایجنسی (BNPB) کے مطابق ایک چرچ کو نقصان پہنچا جبکہ دوسرے چرچ کا زیرِ تعمیر حصہ منہدم ہو گیا، جس کے ملبے تلے کئی افراد دب گئے۔
#اندونيسيا ⚠️#زلزال بقوة 6.0 درجة هز مقاطعة بوسو، سولاويزي الوسطى، في 17 أغسطس 2025.
انهار جزء من مبنى كنيسة كان قيد الصيانة بسبب الزلازل المتتالية في المنطقة بينما كان السكان يؤدون الصلوات.#indonesia #earthquake
pic.twitter.com/pgyRrKR9FF— طقس_العالم ⚡️ (@Arab_Storms) August 17, 2025
زخمیوں کو اسپتال منتقل کر دیا گیا ہے جہاں دو افراد کی حالت نازک ہے۔
عینی شاہدین کا کہنا ہے کہ پوسو کے ایک چرچ میں عبادت کے دوران اچانک زمین لرزنے لگی، لوگ گھبرا کر چیختے ہوئے باہر کی طرف دوڑ پڑے۔
ایک ویڈیو میں دیکھا جا سکتا ہے کہ ہمن گاتے ہوئے افراد زلزلے کے شدید جھٹکوں سے خوفزدہ ہو گئے۔
یہ بھی پڑھیں:روس میں 6 صدیوں بعد آتش فشاں پھٹ پڑا، کیا زلزلہ ذمہ دار ہے؟
ایک اور ویڈیو فوٹیج میں گروسری اسٹور کے اندر شدید جھٹکے ریکارڈ ہوئے جن سے سامان گرنے لگا۔
اب تک ہلاکتوں کی کوئی اطلاع موصول نہیں ہوئی، حکام کا کہنا ہے کہ صورت حال پر کڑی نظر رکھی جا رہی ہے۔
