سابق وفاقی وزیر، سینیٹر فیصل واوڈا نے گورنر سندھ کا نام لیے بغیر کہا ہے کہ ان کا سافٹ ویئر عارضی طور پر اپ ڈیٹ ہوگیا ہے اور نٹ بولٹ بھی عارضی طور پر ٹائٹ کر دئیے گئے ہیں۔
نجی ٹی وی کے ایک پروگرام میں سینیٹر فیصل واوڈا سے گورنر سندھ کامران ٹیسوی کے حالیہ ایک بیان سے متعلق سوال کیا گیا تو ان کا کہنا تھا کہ وہ گورنر سندھ سے متعلق بات کرنا پسند نہیں کرتا۔
یہ بھی پڑھیے گورنر سندھ کامران ٹیسوری کا الیکشن میں ووٹ چوری ہونے کا اعتراف، ویڈیو وائرل
فیصل واوڈا نے کہا کہ اس بیان کے بعد ان کا عارضی طور پر سافٹ ویئر بھی اپ ڈیٹ ہوگیا، اور نٹ بولٹ بھی ٹائٹ ہوگئے۔
یاد رہے کہ گزشتہ دنوں گورنر سندھ نے ایک خطاب میں کہا تھا کہ بھائی واپس آ رہے ہیں۔ اور وہ کراچی کو ٹھیک کریں گے۔ انہوں نے اپنے خطاب میں حاضرین سے یہ بھی پوچھا تھا کہ کیا پرانی ایم کیو ایم واپس چاہیے؟
یہ بھی پڑھیے کامران ٹیسوری کے مطابق ’بھائی‘ آرہے ہیں، یہ بھائی کون ہیں؟
فیصل واوڈا نے کہا کہ بھائی واپس نہیں آ رہے لیکن بھائی بھائی ہوگیا ہے۔ انہوں نے تجویز پیش کی کہ پاکستان میں سیاسی عہدوں پر فائز ہونے والوں کا پہلے نفسیاتی ٹیسٹ ہونا چاہیے۔
