ملک کے مختلف حصوں میں آج موسلادھار بارش کا امکان ہے جس کے باعث نشیبی علاقوں کے زیر آب آنے کا خدشہ ظاہر کیا گیا ہے۔
مزید پڑھیں: بھارت نے ڈیموں کے دروازے کھول دیے، پنجاب میں شدید سیلابی صورتحال، فوج طلب
منگل کو پنجاب کے کئی اضلاع، جن میں گجرات، سیالکوٹ، جہلم اور نارووال شامل ہیں، میں شدید بارش ریکارڈ کی گئی۔
آزاد کشمیر کے اضلاع بشمول نیلم ویلی، باغ، کوٹلی، راولا کوٹ، مظفرآباد اور حویلی میں اگلے 12تا24گھنٹوں کے دوران وقفے وقفے سے بارش متوقع۔ندی نالوں میں طغیانی اورپہاڑی علاقوں میں لینڈ سلائیڈنگ کا خطرہ۔پہاڑی نالوں میں پانی کا تیز بہاؤ رابطہ سڑکوں پر ٹریفک کی روانی کو متاثر کر سکتا ہے۔ pic.twitter.com/9HtdSrZxoz
— NDMA PAKISTAN (@ndmapk) August 26, 2025
محکمہ موسمیات کے مطابق بدھ کو بھی شمال مشرقی پنجاب اور کشمیر میں گرج چمک کے ساتھ بارش متوقع ہے۔
محکمہ موسمیات نے خبردار کیا ہے کہ شدید بارش کے باعث نارووال، سیالکوٹ، گجرات، جہلم، منڈی بہاؤالدین، گوجرانوالہ اور لاہور کے نشیبی علاقے متاثر ہو سکتے ہیں۔
احتیاطی تدابیر
شہری دریاؤں، نالوں اور نشیبی علاقوں سے دور رہیں اور غیر ضروری سفر سے گریز کریں۔
پاک این ڈی ایم اے ڈیزاسٹر الرٹ ایپ کے ذریعے جاری کردہ الرٹ اور ہدایات پر عمل کریں۔
این ڈی ایم اے نے متعلقہ اداروں اور ایمرجنسی سروسز کو ہائی الرٹ رہنے کی ہدایت جاری کر دی— NDMA PAKISTAN (@ndmapk) August 26, 2025
خبردار کیا گیا ہے کہ برساتی ندی نالوں میں طغیانی کا اندیشہ ہے جبکہ کشمیر میں لینڈ سلائیڈنگ کا خطرہ بھی موجود ہے۔
