حکومت نے 5 سال پرانی گاڑیوں کی کمرشل بنیادوں پر درآمد کی اجازت دے دی ہے۔ وزارتِ خزانہ کی جانب سے جاری کردہ اعلامیے کے مطابق اقتصادی رابطہ کمیٹی (ای سی سی) نے اس فیصلے کی منظوری دے دی ہے، جس کے تحت مذکورہ گاڑیاں 30 جون 2026 تک درآمد کی جا سکیں گی۔
اعلامیے میں بتایا گیا ہے کہ 5 سال سے کم پرانی گاڑیوں پر 40 فیصد ریگولیٹری ڈیوٹی عائد کی جائے گی، جو ہر سال بتدریج 10 فیصد کم ہوتی جائے گی اور حکومت کی پالیسی کے تحت مالی سال30-2029 تک درآمدی ڈیوٹی بتدریج ختم کر دی جائے گی۔ یہ مرحلہ وار کمی اگلے مالی سال سے شروع ہوگی۔
حکام کے مطابق اس اقدام کا مقصد آٹو سیکٹر میں مسابقت کو فروغ دینا، صارفین کو متبادل آپشنز فراہم کرنا، اور درآمدی گاڑیوں کی دستیابی کو ممکن بنانا ہے۔
