ترکیہ کے سفیر عرفان نذیرو اولو نے نائب وزیراعظم و وزیر خارجہ سینیٹر محمد اسحاق ڈار سے ملاقات کی، جس میں دونوں ممالک کے درمیان مختلف شعبوں میں تعاون مزید بڑھانے اور دوطرفہ تعلقات کو نئی جہت دینے پر تبادلہ خیال کیا گیا۔
ملاقات کے دوران ترک سفیر نے پاکستان اور ترکیہ کے درمیان حالیہ اعلیٰ سطحی رابطوں کے بعد مختلف دوطرفہ ادارہ جاتی طریقہ کار کے تحت ہونے والی پیش رفت سے نائب وزیراعظم و وزیر خارجہ کو آگاہ کیا۔
Ambassador of Türkiye, H.E. Irfan Neziroğlu, called on Deputy Prime Minister/Foreign Minister Senator Mohammad Ishaq Dar @MIshaqDar50.
The Ambassador briefed the DPM/FM on progress under various bilateral institutional mechanisms aimed at advancing cooperation across a range of… pic.twitter.com/ND4rBY9VAR
— Ministry of Foreign Affairs – Pakistan (@ForeignOfficePk) September 18, 2026
اس موقع پر اسحاق ڈار نے ترکیہ کے ساتھ دوطرفہ تعلقات مزید مضبوط بنانے اور ترجیحی شعبوں میں تعاون بڑھانے کے لیے پاکستان کے عزم کا اعادہ کیا۔
نائب وزیراعظم نے کہا کہ دونوں ممالک کے متعلقہ اداروں کو آئندہ مشترکہ کمیشن اور اعلیٰ سطحی اسٹریٹجک تعاون کونسل کے 8ویں اجلاس کی تیاریوں کے لیے قریبی رابطہ کاری کرنا ہوگی تاکہ دوطرفہ ایجنڈے پر مزید پیش رفت ممکن بنائی جاسکے۔
یہ بھی پڑھیں:اسحاق ڈار سے امریکی ناظم الامور نیٹلی اے بیکر کی ملاقات، دوطرفہ تعلقات اور علاقائی صورتحال پر تبادلہ خیال
ملاقات میں خطے کی بدلتی ہوئی صورتحال پر بھی تبادلہ خیال کیا گیا۔ اسحاق ڈار نے اس بات پر زور دیا کہ مسائل کے حل اور خطے میں پائیدار امن، استحکام اور خوشحالی کے حصول کے لیے مذاکرات اور سفارت کاری ہی قابل عمل راستہ ہیں۔
دونوں ممالک کے درمیان اعلیٰ سطحی رابطوں اور ادارہ جاتی تعاون کے ذریعے مختلف شعبوں میں دوطرفہ تعلقات کو مزید مستحکم بنانے پر بھی اتفاق کیا گیا۔
