کینیڈا کے ہائی کمشنر طارق علی خان، لبنان کے سفیر عبدالعزیز عیسیٰ، نیدرلینڈز کے سفیر رابرٹ یان سیگرٹ اور نیوزی لینڈ کے ہائی کمشنر ڈیوڈ پائن نے ایوان صدر میں صدرِ مملکت آصف علی زرداری کو اپنی اسناد سفارت پیش کیں۔
یہ بھی پڑھیں: صدر آصف علی زرداری کو یونان، یورپی یونین اور ہنگری کے سفراء نے اسناد پیش کیں
ایوان صدر پہنچنے پر پاک فوج کے دستے نے نئے تعینات ہونے والے چاروں سفیروں کو گارڈ آف آنر پیش کیا۔
صدر آصف علی زرداری نے نومنتخب سفیروں کو عہدہ سنبھالنے پر مبارکباد دی اور کہا کہ پاکستان اور کینیڈا کے تعلقات دیرینہ، دوستانہ اور خوشگوار ہیں۔
انہوں نے کہا کہ کینیڈا کے ساتھ آئی ٹی، توانائی اور معدنیات کے شعبوں میں تعاون بڑھانے کی ضرورت ہے۔
مزید پڑھیے: 5 غیر ملکی سفارتکاروں نے صدر مملکت کو سفارتی اسناد پیش کردیں
لبنان کے سفیر کی اسناد پیش کرنے پر صدر زرداری نے لبنان کے عوام کے ساتھ مکمل یکجہتی کا اظہار کیا اور اسرائیلی جارحیت کی سخت مذمت کی۔
انہوں نے کہا کہ پاکستان لبنان کی خودمختاری اور علاقائی سالمیت کی حمایت جاری رکھے گا۔
نیدرلینڈز کے ساتھ تعلقات کو تجارت، سرمایہ کاری اور تعلیم کے شعبوں میں مزید فروغ دینے کی ضرورت پر زور دیتے ہوئے صدر زرداری نے کہا کہ نیدرلینڈز کی پاکستان کے پانی کے انتظام اور ماحولیاتی استحکام کے منصوبوں میں شراکت قابل قدر ہے۔
صدر زرداری نے کہا کہ نیوزی لینڈ کے ساتھ زراعت، مویشی پالنے، ماہی گیری اور صاف توانائی کے شعبوں میں تعاون کے وسیع امکانات موجود ہیں۔
مزید پڑھیں: صدر آصف علی زرداری کا نئے تعینات غیر ملکی سفیروں کا خیرمقدم
انہوں نے چاروں سفیروں کے لیے نیک خواہشات کا اظہار کیا اور امید ظاہر کی کہ ان کی خدمات سے دونوں طرفہ تعلقات مزید مضبوط ہوں گے۔
