امریکی ریاست کیلیفورنیا میں غیرقانونی طور پر مقیم ایک بھارتی نژاد شخص کو نشے کی حالت میں گاڑی چلانے اور ’گاڑی کے ذریعے قتلِ خطا‘ کے الزام میں گرفتار کر لیا گیا ہے۔
میڈیا رپورٹس کے مطابق اس شخص کا ٹرک متعدد گاڑیوں سے ٹکرا گیا، جس کے نتیجے میں ایک خوفناک حادثہ پیش آیا جس میں کم از کم 3 افراد ہلاک ہوگئے۔
یہ بھی پڑھیں: امریکا میں ٹرک حادثہ عوامی ’بھٹہ پارٹی‘ کا سبب بن گیا
ملزم کی شناخت 21 سالہ جشن پریت سنگھ کے طور پر ہوئی ہے، جو شمالی کیلیفورنیا کے شہر یوبا سٹی میں رہائش پذیر تھے۔
🚨 SHOCKING: ICE sources confirm Jashanpreet Singh, the semi-truck driver behind the deadly DUI crash on CA’s I-10 freeway, is an Indian illegal alien caught & released by the Biden admin at the border in March 2022.
Police say Singh was speeding, under the influence, and never… pic.twitter.com/bc1n5vEC9p
— Svilen Georgiev (@siscostwo) October 23, 2025
قانون نافذ کرنے والے ذرائع کے حوالے سے بتایا گیا کہ جشن پریت سنگھ 2022 میں غیر قانونی طور پر امریکا پہنچے تھے۔
حادثے کی ڈیش کیم ویڈیو میں دیکھا جا سکتا ہے کہ سیمی ٹرک ایک ایس یو وی کے عقبی حصے سے ٹکراتا ہے اور پھر آگے موجود کئی گاڑیوں سے جا ٹکراتا ہے۔
امریکی میڈیا رپورٹس کے مطابق، اس ہولناک حادثے میں مجموعی طور پر 8 گاڑیاں تباہ ہوئیں۔
مزید پڑھیں:امریکا: 2 دن بعد ایک اور فضائی حادثہ، متعدد ہلاکتیں
کیلیفورنیا ہائی وے پیٹرول نے بتایا کہ ٹرک کی تکنیکی جانچ کی جائے گی تاکہ کسی مشینی خرابی کو خارج از امکان قرار دیا جا سکے۔
تاہم ابتدائی شواہد سے ظاہر ہوتا ہے کہ کسی نے بھی ٹرک ڈرائیور کے سامنے گاڑی نہیں کاٹی۔
سنگھ کو زخمی حالت میں اسپتال منتقل کیا گیا جہاں طبی عملے نے تصدیق کی کہ وہ منشیات کے زیرِ اثر تھا، حادثے میں 4 دیگر افراد زخمی ہوئے۔
مزید پڑھیں: امریکا میں غیر ملکی ٹرک ڈرائیورز کے ویزے فوری طور پر معطل، سبب کیا نکلا؟
حادثے کے بعد امریکی وزیرِ ٹرانسپورٹیشن سین ڈفی نے سوشل میڈیا پلیٹ فارم ایکس پرلکھا کہ یہ واقعہ بالکل اسی وجہ کی مثال ہے کہ ہم نے کیلیفورنیا کو 4 کروڑ ڈالر کی وفاقی امداد سے محروم رکھا ہے۔
’۔۔۔کیونکہ ریاست ہمارے حفاظتی قواعد پر عمل کرنے میں ناکام رہی ہے، ہم اپنی سڑکوں کو خطرناک نہیں بننے دے سکتے۔‘
یہ بیان وفاقی ٹرانسپورٹ ڈپارٹمنٹ اور ریاستِ کیلیفورنیا کے درمیان جاری تنازع کو نمایاں کرتا ہے، جو سڑکوں کی حفاظت کے تقاضوں پر عمل درآمد کے حوالے سے اختلافات کا شکار ہیں۔
مزید پڑھیں: ڈیلٹا ایئر لائن حادثہ: کمپنی پر صنفی کوٹے کو فوقیت دینے کا الزام
وفاقی ادارے نے کیلیفورنیا پر ڈرائیوروں کے تحفظ کے وفاقی معیار پر پورا نہ اترنے کا الزام عائد کرتے ہوئے 40 ملین ڈالر کی فنڈنگ روک رکھی ہے۔
یہ فیصلہ ایسے وقت میں کیا گیا ہے جب ٹریفک حادثات میں اموات بڑھ رہی ہیں اور کمرشل گاڑیوں کے لیے حفاظتی قوانین کے کمزور نفاذ پر تشویش ظاہر کی جا رہی ہے۔
