وزارتِ خارجہ کے مطابق پاکستان اور روس نے ایشیا میں سیکیورٹی امور پر پہلی باضابطہ مشاورت اسلام آباد میں منعقد کی، جس میں علاقائی سلامتی، ابھرتے ہوئے اتحادوں اور باہمی تعاون کے نئے شعبوں پر تفصیلی تبادلۂ خیال کیا گیا۔
یہ بھی پڑھیں:پاکستان روس کے ساتھ مضبوط طویل المدتی تعلقات کا خواہاں ہے، ڈاکٹر عارف علوی
روسی وزارتِ خارجہ کے ڈی جی برائے ایشیا و بحرالکاہل تعاون الیکسی اووچینیکوف نے اس موقع پر وزارتِ خارجہ پاکستان کے ایڈیشنل فارن سیکریٹری (ACDIS) اور ترجمان امبیسیڈر طاہر اندرابی سے ملاقات کی۔
Pakistan and Russia held the inaugural consultations on Security Issues in Asia in Islamabad. Mr. Aleksei Ovchinnikov, DG for Asia & Pacific Cooperation (Russia MFA), met Amb. Tahir Andrabi, Additional Foreign Secretary (ACDIS) & Spokesperson, for substantive exchanges on… pic.twitter.com/ddgSmPtitP
— Ministry of Foreign Affairs – Pakistan (@ForeignOfficePk) November 14, 2025
دونوں فریقوں کے درمیان ایشیائی خطے کی سکیورٹی صورتحال، تعاون کے طریقہ کار، اور بدلتے ہوئے جیوپولیٹیکل ماحول پر مفصل گفتگو ہوئی۔
ڈی جی اووچینیکوف نے ایڈیشنل فارن سیکریٹری (ایشیا پیسیفک) امبیسیڈر عمران صدیقی سے بھی ملاقات کی اور انسٹی ٹیوٹ آف اسٹریٹجک اسٹڈیز اسلام آباد کے ڈائریکٹر جنرل سہیل محمود کے ساتھ ISSI میں سکیورٹی اور خارجہ پالیسی کے موضوعات پر بات چیت کی۔
یہ بھی پڑھیں:پاکستان روس کے ساتھ توانائی اور بارٹر تجارت کے شعبوں میں تعاون کے فروغ کا خواہاں
ترجمان کے مطابق پاکستان روس کے ساتھ تعمیری اور تعاون پر مبنی تعلقات کو قدر کی نگاہ سے دیکھتا ہے اور علاقائی امن و استحکام کے لیے مکالمے پر مبنی اقدامات کے فروغ کے عزم پر قائم ہے۔
