ترجمان اسلام آباد پولیس کے مطابق، آئی جی اسلام آباد سید علی ناصر رضوی اور ایس ایس پی آپریشنز اسلام آباد قاضی علی رضا نے شہر کے مختلف ناکہ جات کا اچانک دورہ کیا اور سیکیورٹی انتظامات اور چیکنگ کے عمل کی خود نگرانی کی۔
یہ بھی پڑھیں:اسلام آباد پولیس کی کارروائی، دہرے قتل کا مجرم گرفتار
دونوں افسران نے ڈیوٹی پر موجود پولیس جوانوں سے ملاقات کی اور فرائض میں غفلت کو ناقابلِ برداشت قرار دیتے ہوئے سخت احکامات جاری کیے۔
ایس ایس پی آپریشنز اسلام آباد قاضی علی رضا نے مختلف ناکہ جات کا دورہ کیا۔ ڈیوٹی پر موجود پولیس افسران سے ملاقات کی اور ہدایات جاری کیں کہ جرائم کی انسداد کے لیے ہمہ وقت الرٹ رہیں، غیر رجسٹرڈ اور مشکوک گاڑیوں و موٹرسائیکلوں کی مؤثر چیکنگ کو یقینی بنائیں۔#WeRIslamabadPolice #ICTP… pic.twitter.com/oBiLFobB8X
— Islamabad Police (@ICT_Police) November 27, 2025
دورے کے دوران ناکہ جات پر اضافی نفری اور موبائل یونٹس تعینات کر دیے گئے، جبکہ مشکوک افراد اور گاڑیوں کی باریک بینی سے چیکنگ کو ہر صورت یقینی بنانے کی ہدایت دی گئی۔
غیر رجسٹرڈ گاڑیوں اور موٹر سائیکلوں کے خلاف قانونی کارروائی فوری طور پر عمل میں لانے کا بھی حکم دیا گیا۔
آئی جی اور ایس ایس پی نے افسران اور جوانوں پر زور دیا کہ چیکنگ کے دوران شہریوں کے ساتھ خوش اخلاقی سے پیش آئیں اور شہری اس دوران پولیس کے ساتھ بھرپور تعاون کریں۔
یہ بھی پڑھیں:اسلام آباد پولیس کے سینیئر افسر نے گولی مار کر اپنی جان لے لی
دونوں افسران نے واضح کیا کہ شہر کے امن و امان میں خلل ڈالنے والے کسی بھی عناصر کے خلاف سخت قانونی کارروائی کی جائے گی اور شہریوں کی جان و مال کا تحفظ پولیس کی اولین ترجیح ہے۔
اس موقع پر آئی جی سید علی ناصر رضوی اور ایس ایس پی قاضی علی رضا نے ہدایت دی کہ ناکہ جات پر سیکیورٹی اقدامات میں مزید سختی لائی جائے اور امن و امان کے تسلسل کو ہر صورت برقرار رکھا جائے۔
