بھارت کی ریاست بہار کے ضلع مظفرپور میں ایک افسوسناک واقعے میں 35 سالہ شخص نے اپنے 5 بچوں کو پھانسی دینے کی کوشش کی، جس کے نتیجے میں 3 بیٹیاں ہلاک ہو گئیں جبکہ 2 کم عمر بیٹے بچ گئے۔ بعد ازاں ملزم نے خود بھی خودکشی کر لی۔
مزید پڑھیں: ڈاکٹر وردہ قتل کیس، مرکزی ملزم پولیس مقابلے میں ہلاک
پولیس کے مطابق مقتول شخص امر ناتھ رام نے اتوار کی رات اپنے بچوں انورا کماری (12)، شیوانی کماری (11)، رادھیکا کماری (7)، شیوم کمار (6) اور چندن کمار (5) کو ایک صندوق پر کھڑا کرکے ان کے گلے میں رسیاں ڈالیں۔ 3 بیٹیاں موقع پر ہی جان کی بازی ہار گئیں جبکہ دونوں بیٹوں نے چھلانگ لگانے سے انکار کردیا، جس کے باعث وہ بچ گئے۔
Muzaffarpur में चार लोगों के सुसाइड मामले की जाँच जारी..
FSL और पुलिस की टीम कर रही पड़ताल.. पिता ने 3 बेटियों के साथ फंदे से लटककर दी थी जान pic.twitter.com/u1WZhfDpyL
— News18 Bihar (@News18Bihar) December 15, 2025
بچ جانے والے ایک بیٹے شیوم نے بتایا کہ اس نے اپنے گلے سے رسی کھول لی تھی۔ دونوں زخمی بچوں کو اسپتال منتقل کر دیا گیا ہے جہاں ان کا علاج جاری ہے۔
مزید پڑھیں: چارسدہ میں فائرنگ سے 2 اسکول ٹیچرز قتل
پولیس کے مطابق امر ناتھ کی اہلیہ گزشتہ سال انتقال کر گئی تھی، جس کے بعد وہ ذہنی دباؤ اور مالی مشکلات کا شکار تھا۔ دیہاتیوں کا کہنا ہے کہ 5 بچوں کی پرورش کی ذمہ داری نے اسے شدید پریشان کر رکھا تھا۔
واقعے کی اصل وجہ تاحال سامنے نہیں آ سکی۔ پولیس نے لاشوں کو پوسٹ مارٹم کے لیے بھیج دیا ہے جبکہ فرانزک ٹیم نے جائے وقوعہ سے شواہد اکٹھے کر لیے ہیں۔ واقعے کا مقدمہ سکرا تھانے میں درج کرکے تحقیقات جاری ہیں۔
