کوئٹہ کی انسداد دہشتگردی عدالت میں 9 مئی جلاؤ گھیراؤ کے مقدمے میں گرفتار سابق ڈپٹی اسپیکر قاسم سوری کے بھائی بلال سوری کی درخواست ضمانت پر سماعت ہوئی۔ سماعت انسداد دہشتگردی عدالت کے جج تصور نوید نے کی۔
بلال سوری کی جانب سے آئی ایل ایف کے وکلاء پیش ہوئے اور درخواست ضمانت پر دلائل دیے۔
عدالت نے درخواست پر بحث کے بعد فیصلہ محفوظ کرلیا،عدالت محفوظ فیصلہ 29 مئی کو سنائے گی۔
واضح رہے کہ بلال سوری کو 9 مئی پرتشدد واقعات کے خلاف بجلی روڈ تھانہ میں درج مقدمہ میں گرفتار کیا گیا تھا۔
بلال سوری کو گزشتہ روز انسداد دہشتگری عدالت نے جوڈیشل ریمانڈ پر جیل بھیجا تھا۔
