اسلام آباد ٹریفک پولیس نے شہریوں میں ٹریفک قوانین کی پاسداری کو فروغ دینے کے لیے ایک منفرد اور مثبت مہم ’گڈ سٹیزن‘ اسٹیکرز کا آغاز کیا ہے۔
جس کے تحت دارالحکومت کی مختلف اہم شاہراہوں اور مقامات کو روزانہ کی بنیاد پر مختص کیا جائے گا۔
یہ بھی پڑھیں: اسلام آباد ٹریفک پولیس کا کریک ڈاؤن، 1700 سے زائد بائیکرز کیخلاف کارروائی
اس ضمن میں اسلام آباد پولیس کے ایک افسر نے بتایا کہ مثال کے طور پر اگر کسی دن مارگلہ روڈ کو اس مہم کے لیے منتخب کیا جاتا ہے تو وہاں تعینات ٹریفک پولیس اہلکار دورانِ ڈیوٹی تمام گاڑیوں اور ڈرائیورز کا بغور جائزہ لیں گے۔
👍
Kindly, also issue Horrible Citizen Stickers for bad drivers.
The Food Delivery Guys on motorbikes and the Rich Spoilt Brats of grade 19 and above government officials, driving SUVs will top the list. @ICT_Police pic.twitter.com/sMmJru1fOl— zaitun (@zarqarza) December 18, 2025
جو ڈرائیور سیٹ بیلٹ کے استعمال، ٹریفک سگنلز، رفتار کی پابندی اور دیگر ٹریفک قوانین پر مکمل طور پر عمل کرتے ہوئے پائے جائیں گے، انہیں اسلام آباد ٹریفک پولیس کی جانب سے خصوصی ’گڈ سٹیزن‘ اسٹیکرز فراہم کیا جائے گا جو گاڑی پر چسپاں کیا جائے گا۔
پولیس افسر کے مطابق اس اسٹیکر کا مقصد شہریوں کی حوصلہ افزائی کرنا ہے، اس اسٹیکر کے حامل ڈرائیور اگر مستقبل میں کسی معمولی یا غیر ارادی ٹریفک خلاف ورزی کے مرتکب ہو بھی جائیں تو انہیں فوری جرمانہ کرنے کے بجائے تنبیہ کی جائے گی۔
مزید پڑھیں: اسلام آباد ٹریفک پولیس نے ایک ہفتے میں کتنی گاڑیوں کے چالان کیے؟
تاہم یہ سہولت صرف ایک سے دو بار تک محدود ہوگی، اس کے بعد قانون کے مطابق کارروائی عمل میں لائی جائے گی۔
ٹریفک پولیس کا کہنا ہے کہ اس مہم کا بنیادی مقصد سزا کے بجائے تعریف اور ترغیب کے ذریعے ٹریفک نظم و ضبط کو بہتر بنانا اور شہریوں کو ذمہ دار ڈرائیونگ کی جانب راغب کرنا ہے۔
