آسٹریلوی بلے باز جوش فلپ نے بگ بیش لیگ میں بابراعظم کی فارم میں واپسی کی پیشگوئی کردی ہے۔
ایک حالیہ انٹرویو میں جوش فلپ نے بابراعظم کو کرکٹ کے عظیم کھلاڑیوں میں شمار کرتے ہوئے کہا کہ وہ مشکل آسٹریلوی کنڈیشنز کے باوجود جلد اپنی بہترین فارم میں واپس آئیں گے، بابراعظم کے پاس وہ تمام صلاحیتیں موجود ہیں جو ایک عالمی معیار کے کھلاڑی میں ہونی چاہئیں۔
یہ بھی پڑھیں: بگ بیش لیگ، بابر اعظم کی دوسرے میچ میں بھی مایوس کن کارکردگی، شائقین کی تنقید
جوش فلپ نے امید ظاہر کی کہ بابراعظم بگ بیش لیگ کے جاری سیزن میں اپنی ردھم حاصل کر لیں گے، جس کا فائدہ نہ صرف سڈنی سکسزرز کو ہوگا بلکہ آئندہ ٹی 20 ورلڈ کپ 2026 سے قبل یہ بابراعظم کے لیے بھی انتہائی اہم ہوگا۔
آسٹریلوی بلے باز کا کہنا تھا کہ بابراعظم جیسے بڑے کھلاڑی مشکل حالات میں خود کو ڈھالنے کی بھرپور صلاحیت رکھتے ہیں اور وہ جلد ہی بی بی ایل میں اپنی پہچان بنانے میں کامیاب ہوں گے۔
یہ بھی پڑھیں: بگ بیش لیگ میں شاہین آفریدی کی مایوس کن شروعات، 2 نو بالز پھینکنے پر بولنگ اٹیک سے ہٹا دیا گیا
جوش فلپ نے اس امید کا بھی اظہار کیا کہ وہ جاری سیزن میں بابراعظم کے ساتھ مل کر سڈنی سکسزرز کے لیے مضبوط شراکت قائم کریں گے، جو ٹیم کی کامیابی میں اہم کردار ادا کرسکتی ہے۔
