انڈر 19 کرکٹ میں پاکستان نے روایتی حریف بھارت کو 191 رنز سے شکست دے دی۔ میچ میں شاندار کارکردگی دکھانے والے فاسٹ بولر علی رضا نے کامیابی کو ٹیم کی مشترکہ محنت قرار دیا۔
یہ بھی پڑھیں: انڈر 19 ایشیا کپ فائنل: پاکستان نے بھارت کو شکست دے کر ٹائٹل اپنے نام کرلیا
میچ کے بعد گفتگو کرتے ہوئے علی رضا نے کہا کہ صبح عبدالسبحان سے بات ہو رہی تھی کہ وہ اس میچ میں مین آف دی میچ ہوں گے۔ ان کا کہنا تھا کہ گزشتہ میچز میں دونوں کے درمیان بولنگ میں اچھی ہم آہنگی رہی، جس کا فائدہ ٹیم کو ملا، انہوں نے کہا کہ پوری ٹیم نے محنت کی، کیچز ون دا میچ ثابت ہوئے، رن آؤٹس ہوئے، فیلڈنگ شاندار رہی جبکہ بیٹسمینوں نے بھی ذمہ دارانہ کھیل پیش کیا۔
پاکستان نے انڈر 19 ایشیا کپ اپنے نام کرلیا، انڈیا کو زلت آمیز شکست، فائنل میں 191 اسکور سے ہرایا۔
سب کو مبارک۔ پاکستان ہمیشہ زندہ باد 🇵🇰 pic.twitter.com/66pJkmWQEf
— أســـد نثـار (@AsadViews) December 21, 2025
علی رضا نے کہا کہ آگے ٹرائی سیریز ہے اور اس کے بعد ورلڈ کپ میں شرکت کریں گے، جہاں بھی بہترین کارکردگی دکھانے کی کوشش ہوگی۔ انہوں نے بتایا کہ وہ پچھلے 6 ماہ سے ٹیم سے باہر تھے، بعد میں دوبارہ شامل کیا گیا اور پہلے ہی ٹورنامنٹ میں شرکت کے دوران ٹیم نے ٹائٹل اپنے نام کیا۔
یہ بھی پڑھیں: قومی کھلاڑیوں نے تاریخ رقم کی: وزیراعظم کی انڈر 19 ایشیا کپ جیتنے پر ٹیم کو مبارکباد
دوسری جانب فاسٹ بولر عبدالسبحان نے کہا کہ پاکستان کی فتح میں علی رضا نے نہایت اہم کردار ادا کیا۔ ان کا کہنا تھا کہ وہ دونوں پارٹنرشپ میں بولنگ کرتے ہیں اور یہی حکمت عملی ٹیم کے لیے کامیاب ثابت ہوئی۔
