پی سی بی چیئرمین محسن نقوی نے انڈر 19 ایشیا کپ کے ہیرو سمیر منہاس کو بڑی خوشخبری سنادی ہے۔
یہ بھی پڑھیں: انڈر 19 ایشیا کپ میں فتح: محسن نقوی کا ٹیم کے ہر کھلاڑی کے لیے 50 لاکھ روپے انعام کا اعلان
بھارت کے خلاف انڈر 19 ایشیا کپ کے فائنل میں پاکستان نے بھارت کو عبرتناک شکست دی، میچ کے بعد ٹیم منیجر سرفراز احمد نے چیئرمین پی سی بی محسن نقوی کو آج کے میچ کے ہیرو سمیر منہاس کے بارے میں بتایا کہ وہ عرفات منہاس کے چھوٹے بھائی ہیں جنہوں نے ایمرجنگ ایشیا کپ میں شاندار کارکردگی دکھائی تھی۔
ACC President Mohsin Naqvi applauds STAR performer Sameer Minhas 🌟#PAKvIND | #PakistanFutureStars | #U19AsiaCup pic.twitter.com/H6K9eO60cF
— Pakistan Cricket (@TheRealPCB) December 21, 2025
سرفراز احمد نے بتایا کہ عرفات منہاس بھی انڈر 19 کھیل چکے ہیں اور اب سمیر منہاس بھی انڈر 19 کھیلے ہیں۔
اس موقع پر چیئرمین پی سی بی محسن نقوی نے کہا کہ سمیر منہاس آگے بھی کھیلیں گے لیکن ان کے لیے اصل چیز پی سی بی ایڈاپشن پروگرام ہے، انہوں نے سمیر منہاس کے 2 سال کے اخراجات برداشت کرنے کا اعلان کیا۔
یہ بھی پڑھیں: ایشیا کپ کی فاتح انڈر 19 کرکٹ ٹیم آج رات پاکستان پہنچے گی، استقبال کی تیاریاں مکمل
یاد رہے کہ انڈر 19 ایشیا کپ کے بھارت کے خلاف فائنل میں سمیر منہاس نے 172 رنز کی ناقابل شکست اننگز کھیلی ہے، انہیں شاندار کارکردگی پر میچ اور ٹورنامنٹ کا بہترین کھلاڑی قرار دیا گیا ہے۔
