ہالی وڈ کی مقبول جوڑی نک جوناس اور پریانکا چوپڑا نے پاکستان کی معروف اور لیجنڈ پاپ گلوکارہ نازیہ حسن کو ایک دل چھو لینے والی ویڈیو کے ذریعے خراجِ عقیدت پیش کیا ہے۔
اس ویڈیو نے نہ صرف شائقین کی توجہ حاصل کی بلکہ سوشل میڈیا پر پاکستانی موسیقی کے چرچے بھی دوبارہ شروع کر دیے۔
یہ بھی پڑھیے: ثنا میر اور بھارتی انجم چوپڑا ایک ساتھ، ’کھیل میں نفرت پھیلانے والوں کے لیے یہ پیغام ہے‘
تفصیلات کے مطابق، نک جوناس نے پیر 22 دسمبر کو اپنے انسٹاگرام اکاؤنٹ پر ایک مختصر مگر جذباتی ویڈیو شیئر کی، جس میں وہ اپنے بھائی جو جوناس اور اہلیہ پریانکا چوپڑا کے ساتھ نازیہ حسن کے شہرۂ آفاق گیت ‘آپ جیسا کوئی’ پر خوشگوار انداز میں جھومتے دکھائی دیتے ہیں۔
View this post on Instagram
یہ گیت 1979 کی بھارتی فلم قربانی میں شامل تھا اور نازیہ حسن کی پہچان بن گیا تھا۔
ویڈیو وائرل ہوتے ہی مداحوں کی جانب سے بھرپور ردِعمل دیکھنے میں آیا۔ ایک صارف نے لکھا کہ یہ نازیہ حسن کا گانا ہے جس نے برصغیر میں پوپ میوزک متعارف کی۔ دوسرے صارف نے تبصرہ کیا، ‘یہ دراصل نازیہ حسن ہیں، ایک حقیقی آئیکون! شکریہ۔’
یہ بھی پڑھیے: معروف گلوکارہ نازیہ حسن اور زوہیب حسن کا بھارتی صنعت کار رتن ٹاٹا سے کیا تعلق تھا؟
ایک اور صارف کا کہنا تھا، پاکستانی موسیقی کبھی مایوس نہیں کرتی۔
واضح رہے کہ نازیہ حسن کو ایشیائی پاپ میوزک کی بانیوں میں شمار کیا جاتا ہے۔ وہ 13 اگست 2000 کو لندن میں پھیپھڑوں کے کینسر کے باعث 35 برس کی عمر میں انتقال کر گئیں، مگر ان کی موسیقی آج بھی دنیا بھر میں سنی اور پسند کی جاتی ہے۔
