سوزوکی پاکستان نے اپنی مقبول ہیچ بیک سوزوکی کلٹس 2026 کی نئی قیمتیں جاری کر دی ہیں۔
یہ بھی پڑھیں: چینی کمپنیوں نے کیسے پاکستان میں ہونڈا، سوزوکی اور کرولا کی اجارہ داری ختم کی؟
کمپنی نے تصدیق کی ہے کہ تمام ویریئنٹس اب فوری طور پر دستیاب ہیں تاہم ڈیلرشپ کے لحاظ سے دستیابی میں فرق ہو سکتا ہے۔
سوزوکی کلٹس 2026 قیمتیں کچھ اس طرح ہیں۔
سوزوکی کلٹس اے جی ایس (آٹو گیئر شفٹ)
سوزوکی کلٹس اے جی ایس (آٹو گیئر شفٹ) کی قیمت 4,591,460 روپے ہے۔
یہ خودکار گیئر شفٹ ماڈل بغیر کلچ کے ہموار ڈرائیونگ کا تجربہ فراہم کرتا ہے اور خصوصاً شہری ٹریفک کے لیے آئیڈیل ہے۔
فائلرز کے لیے ود ہولڈنگ ٹیکس 45,915 روپے جبکہ نان فائلرز کے لیے ود ہولڈنگ ٹیکس 137,744 روپے ہے۔
سوزوکی کلٹس وی ایکس آر (مینول)
سوزوکی کلٹس وی ایکس آر مینول کی قیمت 4,089,490 روپے ہے۔
روایتی گیئر باکس پسند کرنے والے ڈرائیورز کے لیے بہتر کنٹرول فراہم کرتا ہے۔
فائلرز کے لیے ود ہولڈنگ ٹیکس 40,895 روپے جبکہ نان فائلرز کے لیے ود ہولڈنگ ٹیکس 122,685 روپے ہے۔
سوزوکی کلٹس وی ایکس ایل (مینول)
سوزوکی کلٹس وی ایکس ایل مینول کی قیمت 4,359,160 روپے ہے۔
مزید پڑھیے: پاک سوزوکی کا ’ایوری وی ایکس آر‘ پر 3 لاکھ 50 ہزار روپے کی رعایت کا اعلان
درمیانے سے اعلیٰ ویریئنٹ جو آرام کے ساتھ اضافی حفاظتی خصوصیات فراہم کرتا ہے۔ فائلرز کے لیے ود ہولڈنگ ٹیکس 43,592 روپے جبکہ نان فائلرز کے لیے 130,775 روپے ہے۔
سوزوکی کلٹس کی خصوصیات اور اہم نکات
تمام ویریئنٹس 998 سی سی پیٹرول انجن سے لیس ہیں جو ایندھن کی بچت اور کم مینٹیننس کے لیے ڈیزائن کیا گیا ہے۔
مینول ویریئنٹس میں ایندھن کی تھوڑی بہتر بچت ہوتی ہے جبکہ آٹو میٹک گیئر سسٹم ماڈل شہری ٹریفک میں آسانی فراہم کرتا ہے۔
کیبن میں ایئر کنڈیشننگ، پاور اسٹیئرنگ، پاور ونڈوز اور کی لیس انٹری شامل ہیں۔
مزید پڑھیں: سوزوکی آلٹو اب صرف 19 ہزار ماہانہ پر، مگر کیسے؟
اے جی ایس اور وی ایکس ایل ویریئنٹس میں ایلائے وہیلز بھی ہیں جو اسٹائل اور آرامدہ ڈرائیو فراہم کرتے ہیں۔
تمام ماڈلز انجن اموبلائزر کے ساتھ آتے ہیں تاکہ بنیادی سییکورٹی یقینی بنائی جا سکے۔ واضح رہے کہ انجن اموبلائزر گاڑی کا ایک جدید سیکیورٹی سسٹم ہے جو گاڑی کو چوری سے محفوظ رکھنے کے لیے استعمال کیا جاتا ہے۔
اس نظام میں گاڑی اس وقت تک اسٹارٹ نہیں ہوتی جب تک اصل چابی یا کی فوب استعمال نہ کی جائے۔ چابی کے اندر موجود ایک الیکٹرانک چِپ گاڑی کے سسٹم سے کوڈ میچ کرتی ہے اور اگر یہ کوڈ درست نہ ہو تو انجن خودکار طور پر لاک رہتا ہے۔
اس سسٹم کی بدولت جعلی یا کاپی کی گئی چابی سے گاڑی چلانا ممکن نہیں ہوتا جس سے گاڑی چوری ہونے کے امکانات نمایاں طور پر کم ہو جاتے ہیں۔ یہی وجہ ہے کہ آج کل زیادہ تر نئی گاڑیوں میں انجن اموبلائزر کو بنیادی حفاظتی فیچر کے طور پر شامل کیا جا رہا ہے۔
یہ بھی پڑھیے: کیا سوزوکی آلٹو کی مینوفیکچرنگ بند کر دی گئی؟
اعلیٰ ویریئنٹس وی ایکس ایل اور اے جی ایس میں اینٹی لاک بریکنگ سسٹم (اے بی ایس) بھی شامل ہے تاکہ سڑک پر حفاظت بڑھائی جا سکے۔
