۔
سعودی عرب کے نیشنل سینٹر فار میٹرولوجی (NCM) نے انکشاف کیا ہے کہ مملکت میں سردیوں کے موسم کے دوران اب تک کا سب سے کم درجہ حرارت منفی 10 ڈگری سینٹی گریڈ ریکارڈ کیا گیا، جو 16 جنوری 2008 کو حائل میں درج ہوا۔
جمعرات کو جاری کی گئی ایک تفصیلی اعدادی رپورٹ میں این سی ایم نے 1985 سے 2025 تک سردیوں کے مہینوں (دسمبر، جنوری اور فروری) کے دوران ملک بھر میں ریکارڈ ہونے والے کم سے کم درجہ حرارت اور کہر (فراسٹ) کی صورتحال کا جائزہ پیش کیا۔
رپورٹ کے مطابق قریات (الجوف ریجن) میں جنوری 2008 میں درجہ حرارت منفی 9 ڈگری تک گر گیا۔ طریف (نارتھ بارڈر ریجن) میں متعدد مواقع پر منفی 8 ڈگری ریکارڈ ہوا۔ الجوف شہر میں فروری 1989 میں منفی 7 ڈگری سینٹی گریڈ ریکارڈ کیا گیا۔
دیگر شہروں میں بھی درجہ حرارت نقطۂ انجماد سے نیچے رہا، ان میں شامل ہیں:
عرعر: منفی 6.3°C، رفحاء: منفی 5.8°C، ریاض: منفی 5.4°C، بریدة: منفی 5°C، القصیم: منفی 4.2°C، تبوک: منفی 4°C، الاحساء: منفی 2.3°C، وادی الدواسر: منفی 2°C، طائف: منفی 1.5°C، بیشہ: منفی 1°C۔
یہ تمام درجہ حرارت مختلف برسوں میں مطالعے کی مدت کے دوران ریکارڈ کیے گئے۔
این سی ایم کے مطابق 2008 سعودی عرب کے سرد ترین برسوں میں سے ایک تھا، جب حائل، ریاض، بریدة، القصیم اور تبوک سمیت کئی شہروں میں اپنی تاریخ کے کم ترین درجہ حرارت ریکارڈ ہوئے۔
سب سے زیادہ سردی والے شہر
رپورٹ میں 1985 سے 2025 کے دوران کہر کے دنوں کی بنیاد پر سرفہرست 10 شہروں کی فہرست بھی جاری کی گئی۔
طریف 720 دن، قریات 588 دن، حائل 339 دن، عرعر 277 دن، رفحاء 197 دن، سکاکا 185 دن، تبوک 139 دن، بریدة 83 دن، القیصومہ 71 دن اور ریاض 46 دن
این سی ایم کا کہنا ہے کہ یہ رپورٹ طویل المدتی موسمیاتی ریکارڈ کو محفوظ کرنے، سائنسی تحقیق کی معاونت اور عوام میں سعودی عرب کے متنوع موسمی حالات سے آگاہی پیدا کرنے کی کوششوں کا حصہ ہے۔
