شہر قائد میں ایک اور دلخراش واقعہ پیش آیا ہے جہاں ایک کمسن بچہ کھلے مین ہول میں گر کر جان کی بازی ہار گیا۔
کراچی، کورنگی میں 8 برس کا بچہ کھلے مین ہول میں گرنے سے جاں بحق pic.twitter.com/5HEWgs4fH3
— Ahmad Warraich (@ahmadwaraichh) December 29, 2025
میڈیا رپورٹس کے مطابق یہ حادثہ کورنگی، مہران ٹاؤن، سیکٹر 6 جی میں پیش آیا، جس میں انتظامیہ کی غفلت بھی شامل بتائی گئی ہے۔
ریسکیو حکام کے مطابق جاں بحق ہونے والے بچے کی شناخت دلبر علی کے نام سے ہوئی، جو گھر کے قریب کھیلتے ہوئے مین ہول میں گر گیا۔
حادثے کے بعد علاقہ مکینوں نے فوری کارروائی کر کے بچے کو باہر نکالا، تاہم وہ زندہ نہ بچ سکا۔
بعد ازاں ریسکیو حکام نے لاش کو قانونی کارروائی کے لیے جناح اسپتال منتقل کردیا۔
