ڈھاکا میں بنگلہ دیش کی سابق وزیراعظم اور بنگلہ دیش نیشنلسٹ پارٹی (بی این پی) کی قائد بیگم خالدہ ضیا کے سرکاری جنازے میں جنوبی ایشیا کے کئی ممالک کی اہم سیاسی شخصیات اور وزرائے خارجہ نے شرکت کی۔ غیر ملکی معززین کی بڑی تعداد میں موجودگی خالدہ ضیا کی علاقائی اہمیت اور ان کے طویل سیاسی کردار کی عکاس تھی۔
বাংলাদেশের সাবেক প্রধানমন্ত্রী খালেদা জিয়া–এর জানাজা সম্পন্ন হয়েছে, এতে হাজারো মানুষ অংশগ্রহণ করেন। তাঁর ইন্তেকালে বাংলাদেশে তিন দিনের রাষ্ট্রীয় শোক ঘোষণা করা হয়েছে।#KhalidaZia pic.twitter.com/FVAqsXHeoA
— The Thursday Times (@thursday_times) December 31, 2025
پاکستان کی جانب سے قومی اسمبلی کے اسپیکر سردار ایاز صادق نے جنازے میں شرکت کی اور حکومتِ پاکستان کی نمائندگی کرتے ہوئے تعزیت پیش کی۔ بھارت نے وزیر خارجہ ایس جے شنکر کو جنازے میں شرکت کے لیے بھیجا، جبکہ بھوٹان کی نمائندگی وزیر خارجہ ڈی این دھنگیل نے کی۔
#Pakistan‘s Speaker NA @AyazSadiq122 meets #India‘s External Affairs Minister @DrSJaishankar in Dhaka-Indian EAM walked to Pakistan’s NA Speaker at Khaleda Zia’s house & exchanged pleasantries – First high level exchange between Pakistan & India since May 2025.
@AmirSaeedAbbasi pic.twitter.com/jfkVp2wrXI— Media Talk (@mediatalk922) December 31, 2025
نیپال کے وزیر خارجہ بالا نندا شرما اور سری لنکا کے وزیر خارجہ، خارجہ روزگار اور سیاحت وجیتھا ہیراتھ بھی جنازے میں شریک ہوئے۔ مالدیپ کی جانب سے اعلیٰ تعلیم، محنت اور اسکلز ڈویلپمنٹ کے وزیر ڈاکٹر علی حیدر احمد نے وفد کی قیادت کی۔
مزید پڑھیں: خالدہ ضیا کی نماز جنازہ ادا کردی گئی، بنگلہ دیش کی سیاست کا ایک دور ختم
غیر ملکی رہنماؤں نے بنگلہ دیشی حکام، سیاسی قائدین اور عوام کے ساتھ مل کر سابق وزیراعظم کو خراجِ عقیدت پیش کیا۔ شرکا نے خالدہ ضیا کو بنگلہ دیش کی سیاست کی مرکزی اور بااثر شخصیت قرار دیتے ہوئے کہا کہ وہ 3 بار ملک کی وزیراعظم رہیں اور جمہوری سیاست میں ان کا کردار دہائیوں پر محیط رہا۔
غیر ملکی معززین کی شرکت نے نہ صرف خالدہ ضیا کے لیے علاقائی احترام کو نمایاں کیا بلکہ بنگلہ دیش کی سیاسی تاریخ میں ان کی خدمات کی اہمیت کو بھی اجاگر کیا۔
