ٹیسلا اور اسپیس ایکس کے چیف ایگزیکٹو ایلون مسک نے اعلان کیا ہے کہ ان کی سیٹلائٹ انٹرنیٹ سروس اسٹارلنک وینزویلا کے عوام کو 3 فروری تک مفت براڈبینڈ انٹرنیٹ فراہم کرے گی، تاکہ ملک میں جاری بحران کے دوران رابطہ بحال رکھا جا سکے۔
ایلون مسک نے یہ اعلان سوشل میڈیا پلیٹ فارم ایکس (سابقہ ٹوئٹر) پر کیا، جہاں انہوں نے کہا کہ یہ اقدام ‘وینزویلا کے عوام کی حمایت میں’ اٹھایا گیا ہے۔
یہ بھی پڑھیے: ایلون مسک آئندہ دہائی تک ٹیسلا کے سربراہ ہوں گے، کتنا معاوضہ ملے گا؟
یہ اعلان 3 جنوری کو امریکا کے وینزویلا میں فوجی آپریشن کے بعد سامنے آیا جس کے دوران صدر نکولس مادورو اور خاتونِ اول سیلیا فلوریس کو حراست میں لے لیا گیا۔
اسٹارلنک نیٹ ورک، جو لو ارتھ آربٹ (کم بلندی پر گردش کرنے والے) سیٹلائٹس کے ذریعے کام کرتا ہے، اس سیاسی اور سیکیورٹی غیر یقینی صورتحال میں وینزویلا میں انٹرنیٹ سروس برقرار رکھنے میں مدد فراہم کرے گا۔
ماہرین کے مطابق، بحران کے وقت میں مواصلاتی سہولیات کی دستیابی عوام، صحافیوں اور امدادی اداروں کے لیے نہایت اہم ہوتی ہے، اور اسٹارلنک کی یہ سہولت معلومات تک رسائی میں کلیدی کردار ادا کر سکتی ہے
