بھارت کے اوڑیسہ کے ضلع کندوجہار سے ایک حیران کن اور دلچسپ ویڈیو سامنے آئی ہے، جس میں ایک جنگلی ہاتھی کو فٹبال کھیلتے ہوئے دکھایا گیا ہے۔
یہ بھی پڑھیں: بھارت میں جنگلی ہاتھیوں کی آبادی میں 25 فیصد کمی، وجوہات کیا ہیں؟
واقعہ اس وقت پیش آیا جب مقامی نوجوان ایک میدان میں فٹبال کھیل رہے تھے۔ ویڈیو کے مطابق اچانک ہاتھی قریب کے جنگل سے میدان میں داخل ہوا اور فٹبال کے قریب رک گیا۔ حیرت انگیز طور پر ہاتھی نے نہ صرف گیند میں دلچسپی ظاہر کی بلکہ اسے اپنے پیر سے کک کرنا شروع کر دیا، جس پر نوجوانوں نے محفوظ فاصلہ اختیار کیا۔
View this post on Instagram
ویڈیو میں دیکھا جا سکتا ہے کہ نوجوان محتاط رہتے ہوئے ہاتھی کو کھیلتے ہوئے دیکھ رہے ہیں۔ نوجوانوں نے ہاتھی کو میدان سے ہٹانے کی کوشش بھی کی، لیکن ہاتھی کچھ دیر وہاں رہ کر گیند کے ساتھ کھیلتا رہا۔
یہ بھی پڑھیں: بھارتی ریاست آسام میں ٹرین کی ٹکر سے 7 ہاتھی ہلاک
یہ ویڈیو سوشل میڈیا پر تیزی سے وائرل ہو رہی ہے اور صارفین نے حیرت اور خوشی کے ساتھ تبصرے کیے ہیں۔ کچھ نے اسے انسان اور فطرت کے درمیان ہم آہنگی کی خوبصورت مثال قرار دیا، جبکہ دیگر محض اس غیر متوقع منظر سے محظوظ ہو رہے ہیں۔
