معروف صوفی گلوکارہ عابدہ پروین کی موت سے متعلق سوشل میڈیا پر گردش کرنے والی رپورٹس کی سختی سے تردید کی گئی ہے۔ ان کی بیٹی نے تصدیق کی ہے کہ عابدہ پروین بالکل صحت مند ہیں اور ان کی موت کی خبریں مکمل طور پر جھوٹ اور بے بنیاد ہیں۔
بیٹی نے کہا کہ میری والدہ بالکل خیریت سے ہیں۔ مداحوں کو میری والدہ کی موت کے بارے میں غلط خبریں دی جا رہی ہیں۔ عوام سے درخواست ہے کہ صرف قابلِ اعتماد ذرائع سے معلومات حاصل کریں۔
یہ بھی پڑھیں: پی ایس ایل 10کی افتتاحی تقریب،رنگا رنگ آتشبازی اور گلوکاروں کی شاندارپرفارمنس نے چارچاند لگا دیے
انہوں نے وضاحت کی کہ لاہور کے ڈلگران چوک کے ایک رہائشی کا جمعرات کو انتقال ہوا اور ان کا نام بھی عابدہ پروین تھا، جس کی وجہ سے یہ غلط فہمی پیدا ہوئی۔
عابدہ پروین کے انتقال کی جھوٹی رپورٹس نے ملک اور بیرونِ ملک کے مداحوں میں تشویش پیدا کر دی تھی۔ خاندان کے ذرائع نے میڈیا اور عوام سے اپیل کی ہے کہ بغیر تصدیق شدہ معلومات پھیلانے سے گریز کریں اور گلوکارہ اور ان کے خاندان کی پرائیویسی کا احترام کریں۔
واضح رہے کہ عابدہ پروین پاکستان کی سب سے ممتاز گلوکاراؤں میں شمار ہوتی ہیں اور دنیا بھر میں ان کے لاکھوں مداح موجود ہیں۔
