ٹی 20سیریز کے تیسرے اور فیصلہ کن میچ میں سری لنکا نے پاکستان کو 14 رنز سے شکست دے کر ٹی20 سیریز 1-1 سے برابر کردی ہے۔
دمبولا میں کھیلے گئے تیسرے میچ میں سری لنکا نے پاکستان کو جیت لیے 161 رنز کا ہدف دیا، پاکستان نے ٹاس جیت کرر پہلے فیلڈنگ کا فیصلہ کیا، بارش کے باعث میچ 12 اوورز تک محدود کردیا گیا تھا۔
یہ بھی پڑھیں: پاکستان اور سری لنکا کا دوسرا ٹی 20 بارش کی نذر، فیصلہ کن معرکہ 11 دسمبر کو
قومی ٹیم کے کپتان سلمان آغا نے ٹاس جیتنے کے بعد کہا کہ ’ایک وجہ یہ بھی ہے کہ یہ میچ مختصر ہے، اس لیے پہلے بولنگ کا فیصلہ کیا ہے۔‘
پاکستان کی جانب سے پہلے بولنگ کے فیصلے کے بعد سری لنکا کی ٹیم کو آغاز ہی میں نقصان اٹھانا پڑا۔ اوپنر پاتھم نسنکا پہلی ہی اوور میں نسیم شاہ کا شکار ہو کر صفر پر آؤٹ ہو گئے۔
🇵🇰 Pakistan fight till the end! 👏🏻
Sri Lanka level the 3-match T20I series with a win 1️⃣-1️⃣ 🏏#SLvPAK | #BackTheBoysInGreen pic.twitter.com/f40i3SLOPa
— Pakistan Cricket (@TheRealPCB) January 11, 2026
کمیل مشارا نے جارحانہ انداز اپناتے ہوئے 8 گیندوں پر 20 رنز بنائے، جن میں 3 چوکے اور ایک چھکا شامل تھا، تاہم وہ محمد وسیم جونیئر کی گیند پر آؤٹ ہو گئے۔ اس وقت اسکور 1.5 اوورز میں 22 رنز پر 2 کھلاڑی آؤٹ تھا۔
اس کے بعد دھننجیا ڈی سلوا اور کشل مینڈس نے اننگز کو سنبھالا اور 32 رنز کی شراکت قائم کرتے ہوئے ٹیم کو 5ویں اوور میں 50 رنز سے آگے پہنچایا۔ دھننجیا ڈی سلوا 15 گیندوں پر 22 رنز بنا کر چھٹے اوور کی پہلی گیند پر محمد نواز کا شکار بنے، اسکور 54 پر 3 وکٹیں ہو گئیں۔
کشل مینڈس کو چرِیتھ اسلانکا کی اچھی سپورٹ حاصل رہی اور دونوں نے مل کر نویں اوور میں ٹیم کا مجموعہ 100 رنز سے آگے پہنچایا۔ تاہم محمد وسیم جونیئر نے کسل مینڈس کو 16 گیندوں پر 30 رنز پر آؤٹ کر کے 46 رنز کی شراکت توڑ دی۔
🇵🇰 Pakistan set to chase 161 in 12 overs in the 3rd T20I at Rangiri Dambulla International Cricket Stadium🏏#SLvPAK | #BackTheBoysInGreen pic.twitter.com/tcKIuYTpd0
— Pakistan Cricket (@TheRealPCB) January 11, 2026
اس کے بعد فہیم اشرف نے چرِیتھ اسالنکا کو 13 گیندوں پر 21 رنز پر آؤٹ کر دیا، یوں 9.1 اوورز میں سری لنکا کا اسکور 102 رنز پر 5 وکٹیں ہو گیا۔
یہ بھی پڑھیں: پاکستان نے سری لنکا کو شکست دے کر سہ ملکی سیریز میں پہلی پوزیشن حاصل کرلی
کپتان داسن شناکا اور جینتھ لیانگے نے آخری اوورز میں تیز رفتاری سے رنز جوڑے۔ داسن شناکا نے 9 گیندوں پر 34 رنز کی دھواں دار اننگز کھیلی، جس میں 5 چھکے شامل تھے، تاہم وہ محمد وسیم جونیئر کی گیند پر آؤٹ ہو گئے۔
جینتھ لیانگے 8 گیندوں پر 22 رنز کے ساتھ ناٹ آؤٹ رہے، ان کی اننگز میں 3 چوکے اور ایک چھکا شامل تھا، جبکہ وانیندو ہسرنگا ایک رن کے ساتھ ناٹ آؤٹ رہے۔
پاکستان کی جانب سے محمد وسیم جونیئر نے 3 اوورز میں 54 رنز دے کر 3 وکٹیں حاصل کیں، جبکہ نسیم شاہ، محمد نواز اور فہیم اشرف نے ایک ایک کھلاڑی کو آؤٹ کیا۔
🧢 Wicketkeeper-batter Khawaja Nafay receives his T20I debut cap in the 3rd game vs Sri Lanka at Dambulla🏏#SLvPAK | #BackTheBoysInGreen pic.twitter.com/UKLt30bvYG
— Pakistan Cricket (@TheRealPCB) January 11, 2026
جوابی اننگز میں پاکستان نے پاکستان کی ٹیم 8 وکٹوں پر 146 رنز بناسکی، پاکستان کی جانب سے کپتان سلمان علی آغا نے شاندار بیٹنگ کا مظاہرہ کرتے ہوئے صرف 12 گیندوں پر 45 رنز اسکور کیے، جس میں 5 چوکے اور 3 چھکے شامل تھے۔
یہ بھی پڑھیں: ٹی20 ورلڈ کپ 2026: پاکستان، بنگلہ دیش کے میچز کی میزبانی کے لیے تیار
محمد نواز نے 15 گیندوں پر 28 رنز بنائے جبکہ خواجہ نفے نے 26 رنز کی اہم اننگز کھیلی۔ فہیم اشرف نے آخر 9 رنز بنائے۔
سری لنکا کی طرف سے وانیندو ہسرنگا سب سے کامیاب بولر رہے جنہوں نے 3 اوورز میں 35 رنز دے کر 4 وکٹیں حاصل کیں۔ متھیشا پاتھیرانا نے 2 کھلاڑیوں کو آؤٹ کیا۔
یاد رہے کہ ٹی 20 سیریز کے پہلے میچ میں پاکستان نے سری لنکا کے خلاف کامیابی حاصل کی تھی جبکہ دوسرا میچ بارش کی نذر ہوگیا تھا۔
