بلوچستان کے ضلع قلات میں سیکیورٹی فورسز نے فتنہ الہندوستان کے دہشتگردوں کے خلاف کارروائی کی ہے، جس کے نتیجے میں 4 بھارتی حمایت یافتہ دہشتگرد ہلاک ہوگئے۔
مزید پڑھیں: پاکستان میں دہشتگردی کے 70 فیصد سے زائد واقعات میں افغان ملوث، سہیل آفریدی تاحال لاعلم
پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے خفیہ اطلاعات کی بنیاد پر کارروائی کی، اور فائرنگ کے تبادلے میں 4 دہشتگردوں کو ہلاک کردیا۔
بیان میں کہا گیا ہے کہ ہلاک ہونے والے دہشتگردوں سے اسلحہ و گولہ بارود برآمد ہوا ہے، یہ دہشتگرد علاقے میں دہشتگردی کی متعدد کارروائیوں میں ملوث تھے۔
آئی ایس پی آر کے مطابق علاقے میں کلیئرنس آپریشن جاری ہے، تاکہ مزید دہشتگردوں کو بھی ہلاک کیا جا سکے۔
مزید پڑھیں: پی ٹی آئی دہشتگردی کے خلاف آپریشن کی مخالفت کیوں کرتی ہے؟ علی محمد خان نے بتایا دیا
بیان میں کہا گیا ہے کہ سیکیورٹی فورسز ویژن ’عزم استحکام‘ کے تحت دہشتگردی کے خلاف کارروائیاں جاری رکھے ہوئے ہیں۔
