ترجمان اسلام آباد پولیس کے مطابق مری جانے والے تمام داخلی راستے تاحال بند ہیں جبکہ دونوں مرکزی راستوں پر ڈائیورشنز لگا کر ٹریفک کو واپس موڑا جا رہا ہے۔ موجودہ صورتحال کے پیش نظر راستے کھلنے کا فی الحال کوئی امکان نہیں۔
مزید پڑھیں: شہری مری کے سفر سے اجتناب کریں، وزیر اطلاعات پنجاب عظمیٰ بخاری کا اہم پیغام
ترجمان کا کہنا ہے کہ جیسے ہی راستوں کی بحالی ممکن ہوئی، شہریوں کو بروقت آگاہ کر دیا جائے گا۔ اسلام آباد ٹریفک پولیس کے افسران ٹریفک کے دباؤ کو کم کرنے اور سڑکوں پر روانی برقرار رکھنے کے لیے مصروف عمل ہیں۔
مزید پڑھیں: محفوظ بسنت کا عزم: مریم نواز کا موٹر سائیکل سواروں کو سیفٹی راڈز مفت فراہم کرنے کا اعلان
اسلام آباد پولیس نے مری جانے والے سیاحوں سے اپیل کی ہے کہ وہ اس جانب سفر سے گریز کریں اور ٹریفک پولیس کے ساتھ مکمل تعاون کریں تاکہ کسی بھی ہنگامی صورتحال سے بچا جا سکے۔
