صدر کے بجائے وزیر اعظم نریندر مودی کے بھارتی پارلیمنٹ کی نئی عمارت کا افتتاح کرنے پر اپوزیشن کی جانب سے شدید تنقید کی جا رہی ہے۔ اپوزیشن کی سب سے بڑی جماعت کانگریس سمیت 19 جماعتوں نے اس تقریب کا بائیکاٹ کیا۔
اپوزیشن جماعت راشٹریہ جنتا دَل نے تابوت سامنے رکھ کر احتجاج کیا اور بھارت کی نئی پارلیمنٹ کو تابوت جیسا قرار دیا۔
اپوزیشن جماعتوں نے وزیراعظم نریندر مودی پر شدید تنقید کرتے ہوئے کہا کہ پارلیمنٹ کی نئی عمارت کا افتتاح صدر کو کرنا چاہیے تھا۔ لیکن مودی نے تکبر میں اپنی تشہیر کرنے کے لیے پارلیمنٹ کا افتتاح خود کیا جو بھارتی جمہوریت کی تذلیل ہے۔
گزشتہ روز وزیر اعظم نریندر مودی نے پارلیمنٹ کی نئی عمارت کا افتتاح کیا تھا۔ افتتاحی تقریب میں پنڈٹ پادری اور دیگر مذاہب کے نمائندے بھی موجود تھے۔
اس تقریب کی اہم بات یہ تھی کہ وہاں سورۃ الرحمٰن کی تلاوت کی گئی جسے تمام لوگوں نے خاموشی سے سنا۔
#بھارت : پارلیمنٹ کی افتتاحی تقریب میں #سورۃ_الرحمٰن کی تلاوت#WellDone🤍🥀🤍
بھارت میں پارلیمنٹ کی نئی عمارت کی افتتاح تقریب میں سورۃ الرحمٰن کی تلاوت کی گئی جس کی ویڈیو کو سوشل میڈیا پر کافی پسند کیا جا رہا ہے۔@narendramodi@BBhuttoZardari @MediaCellPPP pic.twitter.com/6N8vWe9mkl— Ijaz Sherazi (PP73) (@IjazSheraziPPP) May 28, 2023
تقریب میں اسلام، بدھ مت، جین، پارسی، سکھ، ویدک وغیرہ جیسے مذاہب کے رہنما بھی شریک ہوئے۔
