وسطی سوڈان کے علاقے شمالی کردفان میں ایک مصروف بازار پر ڈرون حملے کے نتیجے میں کم از کم 28 افراد ہلاک ہو گئے۔ انسانی حقوق کی تنظیم ایمرجنسی لائرز کے مطابق حملہ اتوار کو قصبہ سوداری کے قریب الصفیہ مارکیٹ میں اس وقت کیا گیا جب وہاں خواتین اور بچوں سمیت شہریوں کی بڑی تعداد موجود تھی۔
مزید پڑھیں: سوڈان: آر ایس ایف کے ڈرون حملے میں 8 بچوں سمیت 24 مہاجر شہری ہلاک
یہ علاقہ نیم فوجی دستے کے زیرِ کنٹرول ہے اور یہاں سوڈانی فوج اور آر ایس ایف کے درمیان شدید جھڑپیں جاری ہیں۔ کردفان خطہ اس وقت 3 سالہ جنگ کا اہم محاذ بن چکا ہے، جہاں دونوں فریق ڈرون حملوں کے ذریعے ایک دوسرے کے زیر اثر علاقوں کو نشانہ بنا رہے ہیں۔
مزید پڑھیں: سوڈان میں باغیوں کا پاور پلانٹ پر حملہ، متعدد علاقے اندھیرے میں ڈوب گئے
اپریل 2023 سے جاری اس جنگ میں دسیوں ہزار افراد ہلاک اور قریباً ایک کروڑ 10 لاکھ بے گھر ہو چکے ہیں، جبکہ ملک عملاً 2 حصوں میں تقسیم ہو گیا ہے۔
