قومی کرکٹ ٹیم کے آل راؤنڈر شاداب خان نے اپنے مداحوں کے لیے خصوصی پیغام جاری کیا ہے۔ شاداب خان نے کہا کہ آپ لوگ ہمیں ہمیشہ سپورٹ کرتے ہیں اب آپ کی ذمہ داری کا وقت ہے کیونکہ رمضان قریب آ رہا ہے۔ آپ کو اپنی ڈیوٹی کا پتہ چل گیا ہوگا۔ ہم بھی اپنی ڈیوٹی کریں گے لیکن آپ کی ڈیوٹی سب سے زیادہ اہم ہے۔
View this post on Instagram
انہوں نے مزید کہا کہ رمضان کا مہینہ ہے اور دوسرا ہم مسلمان ہیں تو آگے آپ سمجھ جائیں۔ شاداب خان نے یقین دہانی کرائی کہ جو چیزیں ہمیں آتی ہیں انہیں اچھے سے اچھا کریں گے۔ ٹیم اپنی پوری کوشش کرے گی کہ کھیل کے ہر پہلو میں بہترین کارکردگی دکھائے، چاہے وہ وکٹیں لینا ہو، رنز بنانا ہو یا کیچ پکڑنا ہو۔
شاداب خان کی ویڈیو پر صارفین مختلف تبصرے کرتے نظر آئے، ایک صارف نے انہیں آڑے ہاتھوں لیتے ہوئے کہا کہ ہم تو ہمیشہ دعائیں کرتے ہیں آپ کا کام، کب شروع ہو گا؟ جبکہ کئی صارفین نے کرکٹر کی پرفارمنس پر تنقید کی۔
یہ بھی پڑھیں: شاہین، بابر اور شاداب خان کی جگہ نئے پرفارمرز کو موقع دیا جائے، محمد یوسف
واضح رہے کہ آئی سی سی ٹی20 ورلڈ کپ میں روایتی حریف بھارت سے شکست کے بعد قومی ٹیم کی کارکردگی پر شدید تنقید کا سلسلہ جاری ہے، سابق کپتان محمد یوسف نے بھی کھل کر اپنے خیالات کا اظہار کیا ہے۔انہوں نے کہا کہ اب وقت آگیا ہے کہ شاہین آفریدی، بابراعظم اور شاداب خان کی جگہ نئے پرفارمرز کو موقع دیا جائے۔
