پاکستان سپر لیگ (پی ایس ایل) کی فرنچائز پشاور زلمی کے چیئرمین جاوید آفریدی نے سوشل میڈیا سے مشہور ہونے والی ابھرتی ہوئی کرکٹر آئینہ وزیر کی صلاحیتوں کو سراہتے ہوئے اعلان کیا ہے کہ انہیں آئندہ زلمی ویمن لیگ میں شامل کیا جائے گا۔
سماجی رابطے کی سائٹ ’ایکس‘ پر جاوید آفریدی نے کہاکہ آئینہ وزیر غیر معمولی ٹیلنٹ کی مالک ہیں اور ایسی صلاحیتوں کو درست پلیٹ فارم فراہم کرنا ضروری ہے۔
MashAllah, what an outstanding young talent Aina Wazir is!
Talent like this deserves a right platform.
This is why I am pleased to share that she will be part of our upcoming Zalmi Women League @ZWLofficial. A platform we’ve created for our girls to play, inspire and express…— Javed Afridi (@JAfridi10) February 18, 2026
انہوں نے بتایا کہ زلمی ویمن لیگ کا قیام اسی مقصد کے تحت عمل میں لایا گیا ہے تاکہ لڑکیوں کو کھیلنے، اپنی صلاحیتوں کے اظہار اور دوسروں کے لیے مثال بننے کا موقع مل سکے۔
انہوں نے یقین دہانی کرائی کہ آئینہ وزیر کو کرکٹ کا مکمل سامان اور معیاری سہولیات فراہم کی جائیں گی تاکہ وہ اپنی صلاحیتوں کو مزید نکھار سکیں اور مستقبل میں سائرہ جبین جیسی نمایاں کرکٹر بن سکیں۔
جاوید آفریدی نے متعلقہ افراد سے اپیل کی کہ آئینہ وزیر کی رابطہ تفصیلات فراہم کی جائیں تاکہ ان کی ٹیم فوری طور پر ان سے رابطہ کر سکے۔
واضح رہے کہ سوشل میڈیا پر ایک ویڈیوز زیر گردش ہے جس میں آئینہ وزیر نامی لڑکی لڑکوں کے ساتھ کرکٹ کھیلتی ہوئی بہترین صلاحیتوں کا مظاہرہ کررہی ہے۔
یہ ہے آئینہ وزیر — جو لڑکوں کے ساتھ کرکٹ کھیلتی ہے، بہترین باؤلنگ کرتی ہے اور بیٹنگ بھی زبردست ہے۔ پاکستان میں ٹیلنٹ کی کوئی کمی نہیں۔ @TheRealPCB آئینہ وزیر کو مستقبل میں ویمن کرکٹ میں شامل کرے تو پاکستان کو ایک بہترین کھلاڑی مل سکتی ہے۔ pic.twitter.com/mVQmcParjX
— Mehwish Qamas Khan (@MehwishQamas) February 18, 2026
سوشل میڈیا صارفین اس کی کارکردگی کو سراہنے کے ساتھ ساتھ پاکستان کرکٹ بورڈ سے مطالبہ کررہے ہیں اسے ویمن کرکٹ ٹیم میں شامل کیا جائے۔
میڈیا رپورٹس کے مطابق آئینہ وزیر کا تعلق خیبرپختونخوا کے ضلع خیبر سے ہے، اور وہ ایک شہید کی بیٹی ہیں۔
