پاکستان فٹ بال ٹیم کا قومی تربیتی کیمپ آج سے لاہور میں شروع ہوگا

پاکستان فٹ بال فیڈریشن ( پی ایف ایف ) کے زیر اہتمام آنے والے ٹورنامنٹس کی تیاری کے لیے قومی فٹ بال تربیتی کیمپ کا آغاز آج سے لاہور میں ہوگا۔

پاکستان فٹ بال فیڈریشن کے مطابق تربیتی کیمپ میں 28 کھلاڑی شرکت کریں گے اور تمام کھلاڑی آئندہ ٹورنامنٹس کے لیے بہترین تیاری کرسکیں گے۔

پی ایف ایف کے لگائے گئے تربیتی کیمپ کا بنیادی مقصد موریشس میں ہونے والے 4 ممالک کے درمیان ٹورنامنٹ اور بھارت میں ہونے والی SAFF چیمپئن شپ 2023ء کے لیے کھلاڑیوں کو تیار کرنا ہے۔

لاہور میں جاری کیمپ میں شریک کھلاڑیوں میں گول کیپرز ثاقب حنیف، سلمان الحق، عبدالباسط اور یوسف اعجاز بٹ جبکہ ڈیفنڈرزمیں محمد عمر حیات، علی خان نیازی، محمد سفیان، محمد عمر سعید، مامون موسیٰ خان، سید عبد اللہ شاہ، حسیب احمد خان، سردار ولی، سہیل، عیسیٰ سلیمان اور عبداللہ اقبال شامل ہیں۔

مڈ فیلڈرز میں عالمگیر علی خان غازی، علی عزیر محمود، معین احمد، شائق دوست، محمد ولید خان، راہس نبی، ہارون ارشد فہیم حامد، عمیر علی اور محمد عدنان یعقوب جبکہ فارورڈزمیں عبدالصمد شہزاد، اوٹس جان محمد خان، حسن نوید بشیر اور محمد وحید شامل ہیں۔