ایمنسٹی انٹرنیشنل کے جنوبی ایشیا دفتر سے متعلق سوشل میڈیا اور بعض حلقوں میں مختلف دعوے سامنے آئے ہیں، جن میں مؤقف اختیار کیا جا رہا ہے کہ تنظیم کا یہ علاقائی دفتر بھارتی ریاستی مفادات سے متاثر ہے۔
ان دعوؤں میں کہا گیا ہے کہ علاقائی ڈائریکٹر اسمرتی سنگھ بھارتی وزارتِ دفاع کے سوشل میڈیا اکاؤنٹ سے قریبی رابطے میں رہتی ہیں۔
مزید یہ الزام بھی عائد کیا جا رہا ہے کہ اسمرتی سنگھ ماضی میں ٹائمز آف انڈیا سے وابستہ رہی ہیں، جسے بعض حلقے بھارتی خفیہ ایجنسی کے زیر اثر ادارہ قرار دیتے ہیں۔
بیانیے میں یہ بھی کہا گیا ہے کہ جنوبی ایشیا دفتر کا بیشتر عملہ بھارت میں مقیم ہے اور وہ بھارتی اداروں کے ساتھ ہم آہنگ ہو کر پاکستان مخالف ایجنڈا آگے بڑھا رہا ہے۔
تاہم ان دعوؤں کے حوالے سے تنظیم کی جانب سے تاحال کوئی باضابطہ ردعمل سامنے نہیں آیا۔
