سعودی عرب کی مجلسِ وزرا نے جدہ میں ہونے والے اجلاس میں داخلی و خارجی امور کا جائزہ لیا۔ اجلاس کی صدارت ولی عہد محمد بن سلمان نے کی۔
سرکاری خبر رساں ایجنسی کے مطابق ولی عہد نے کابینہ کو اپنے حالیہ دورۂ مصر پر بریفنگ دی، جس میں خطے کی سیکیورٹی، مشرقِ وسطیٰ کی تازہ صورتحال اور عرب و اسلامی دنیا کو درپیش امور پر تبادلہ خیال کیا گیا۔ انہوں نے وزرا کو قازقستان کے صدر کے خط سے بھی آگاہ کیا۔
مزید پڑھیں: مغربی کنارے پر اسرائیلی کنٹرول میں توسیع، سعودی عرب اور دیگر ممالک کی شدید مذمت
کابینہ نے کرغزستان، پاکستان، آرمینیا، ترکمانستان، ایسٹونیا، کیوبا اور مختلف ممالک کے ساتھ تعاون میں پیشرفت کا جائزہ لیتے ہوئے متعدد مفاہمتی یادداشتوں کی منظوری دی۔ یہ تعاون ترقی، تعلیم، سیاسی مشاورت، ماحولیاتی تحفظ، صحت، سرمایہ کاری اور فضائی خدمات کے شعبوں پر مشتمل ہے۔
اجلاس میں سعودی جنرل اتھارٹی برائے اوقاف اور اس کی عمانی ہم منصب کے درمیان اوقاف سے متعلق معاہدے کی بھی منظوری دی گئی۔ وزرا نے فلاحی سرگرمیوں کے فروغ اور ملک بھر میں انسانی و ترقیاتی اقدامات کو مضبوط بنانے سے متعلق قومی پروگراموں کا جائزہ بھی لیا۔
مزید پڑھیں: سعودی عرب: مقامی شہریوں اور مقیم افراد کے لیے حج رجسٹریشن کا آغاز
کابینہ نے نیشنل کمپیٹیٹونیس سینٹر کو سعودی سینٹر فار اکنامک بزنس کے ساتھ ضم کرکے سعودی کمپیٹیٹونیس اینڈ بزنس سینٹر کے قیام کی منظوری بھی دی۔
