پاکستان کرکٹ ٹیم کے دورہ بنگلادیش پر خطے میں پائی جانے والی موجودہ کشیدگی اثر انداز ہو سکتی ہے، تاہم اگر سفری خطرات اور خدشات بڑھنے نہ پائیں تو ٹور شیڈول کے مطابق جاری رہنے کا امکان ہے۔
میڈیا میں شائع سہیل عمران کی رپورٹ کے مطابق پاکستان کرکٹ ٹیم کی اگلی اسائنمنٹ ڈھاکا میں 3 ون ڈے میچز کی سیریز ہے، جو 11، 13 اور 15 مارچ کو شیڈول ہیں۔ پاکستان کا اسکواڈ 9 مارچ کو بنگلادیش پہنچنے والا ہے، اور ہفتے کے ابتدائی دنوں میں ون ڈے اسکواڈ کے حوالے سے مشاورت متوقع ہے۔
یہ بھی پڑھیں:ٹی20 ورلڈ کپ سپر 8 مرحلہ: جنوبی افریقہ نے زمبابوے کو شکست دیدی
ذرائع نے بتایا کہ موجودہ صورتحال کے پیش نظر اسکواڈ میں متعدد تبدیلیاں کی جا سکتی ہیں، کیونکہ آئی سی سی ورلڈ کپ 2027ء کے تناظر میں ٹیم کا فوکس اب ون ڈے فارمیٹ پر ہوگا۔ نوجوان کھلاڑیوں کی شمولیت کے امکانات بڑھ گئے ہیں، جبکہ ٹی 20 فارمیٹ میں انڈر پرفارمرز کو باہر کرنے پر غور کیا جا رہا ہے۔
ذرائع کے مطابق صائم ایوب، بابر اعظم اور محمد نواز کی جگہ نوجوان کھلاڑیوں کو موقع دینے پر غور جاری ہے۔ ٹی 20 فارمیٹ میں پاکستان کے پاس فوری کوئی سیریز نہیں ہے، تاہم اسکواڈ میں 5 سے 6 انڈر پرفارمرز کو چھٹی دینے کے امکانات ہیں، جس سے مستقبل میں ٹی 20 ورلڈ کپ 2028ء کی تیاری بہتر ہو گی۔
یہ بھی پڑھیں:صاحبزادہ فرحان کی سینچری رائیگاں، پاکستان کا ٹی20 ورلڈ کپ کے سیمی فائنل میں رسائی کا خواب چکنا چور ہوگیا
پاکستان ٹیم نے گزشتہ برس شاہین آفریدی کی قیادت میں ساؤتھ افریقہ اور سری لنکا کے خلاف سیریز کھیلی تھی، اور اس تجربے کی بنیاد پر اس مرتبہ اسکواڈ کی تشکیل اور حکمت عملی پر خصوصی توجہ دی جا رہی ہے۔
