اسرائیل کے وزیر دفاع اسرائیل کاتز نے کہا ہے کہ ایران کے سپریم لیڈر سید علی خامنہ ای کے بعد جو بھی سپریم لیڈر منتخب ہوگا، اسرائیلی فوج اے نشانہ بنانے کی کوشش کرے گی۔
ایک بیان میں اسرائیل کا کہنا تھا کہ ایرانی حکومت اگر ایسی قیادت لاتی ہے جو اسرائیل کو تباہ کرنے، امریکا اور خطے کے دیگر ممالک کو دھمکانے اور ایرانی عوام پر جبر جاری رکھنے کا منصوبہ رکھتی ہو، تو وہ براہِ راست ہدف ہوگی۔
اسرائیل کا کہنا ہے کہ اس معاملے میں کسی بھی ممکنہ جانشین کا نام یا مقام اہم نہیں ہوگا۔
صیہونی رہنما کے بیان کے مطابق ’اس سے کوئی فرق نہیں پڑتا کہ اس کا نام کیا ہے یا وہ کہاں چھپا ہوا ہے۔‘
یہ بیان خطے میں پہلے سے موجود شدید کشیدگی کو مزید بڑھا سکتا ہے۔
امریکا کے ساتھ مشترکہ کارروائی جاری رکھنے کا اعلان
اسرائیلی وزیر دفاع نے مزید کہا کہ اسرائیل، امریکا کے ساتھ مل کر ایران کی عسکری صلاحیتوں کو تباہ کرنے کے لیے کارروائیاں جاری رکھے گا۔
انہوں نے یہ بھی کہا کہ اسرائیل ایسے حالات پیدا کرنے کی کوشش کرے گا جن کے نتیجے میں ایرانی عوام اپنی حکومت کا تختہ الٹ سکیں۔
