اسلام آباد ہائیکورٹ نے توشہ خانہ ٹو کیس میں بانی پی ٹی آئی اور بشریٰ بی بی کے وکیل بیرسٹر سلمان صفدر کے خلاف اپیلیں بروقت دائر نہ کرنے کا اعتراض ختم کرنے کی ہدایت دی ہے۔
مزید پڑھیں: اسلام آباد ہائیکورٹ: بانی پی ٹی آئی اور بشریٰ بی بی کی توشہ خانہ ٹو کیس اپیلوں پر اعتراضات دور
جسٹس خادم حسین سومرو نے سلمان صفدر کو مخاطب کرتے ہوئے کہا کہ وہ رجسٹرار آفس میں وقت ختم ہونے کو نظرانداز کرنے کی درخواست دے دیں۔
توشہ خانہ ٹو کیس میں سماعت کے دوران وکیل نے عدالت کو بتایا کہ اپیلیں وقت پر دائر کی گئی تھیں اور آفس کی جانب سے لگائے گئے اعتراضات کے بارے میں بروقت آگاہ نہیں کیا گیا۔ سزا کا فیصلہ 20 دسمبر کو ہوا تھا جبکہ اپیلیں 29 دسمبر کو دائر کی گئی تھیں، اور اپیلوں کے ساتھ فیصلے کی مصدقہ نقل بھی جمع کروائی گئی تھی۔
جسٹس سومرو نے ریمارکس دیئے کہ وکالت کے 21 یا 22 سال کے تجربے کے باوجود جب وکیل اپنی فائل چھوڑ دیتا ہے تو ایسے مسائل سامنے آتے ہیں۔ عدالت نے رجسٹرار آفس کو ہدایت کی کہ وہ آفس اعتراضات بلند آواز میں پڑھیں۔
مزید پڑھیں: عمران خان اور بشریٰ بی بی نے توشہ خانہ ٹو کیس میں سزا کو ہائیکورٹ میں چیلنج کردیا
عدالت نے کیس کی مزید سماعت غیر معینہ مدت کے لیے ملتوی کر دی۔
