وفاقی وزیر برائے پارلیمانی امور ڈاکٹر طارق فضل چوہدری نے کہا ہے کہ پاکستان کے ایٹمی ہتھیار ملک کی حفاظت کے لیے ہیں اور پاکستان کی سالمیت و خودمختاری اولین ذمہ داری ہے۔ انہوں نے نجی ٹیلیویژن پروگرام میں گفتگو کرتے ہوئے کہا کہ پاکستان کا سعودیہ سے دفاعی معاہدہ ہے اور حرمین شریفین کی حفاظت کے لیے ہر حد تک جائیں گے۔
یہ بھی پڑھیں:پاکستان اور سعودی عرب کے درمیان دفاعی معاہدہ باہمی بھائی چارے پر مبنی ہے، وزیراعظم
ڈاکٹر طارق فضل چوہدری نے مزید کہا کہ پاکستان کی دفاعی اور توانائی کی تیاری مضبوط ہے۔ نجی ٹیلیویژن پروگرام میں شریک پی ٹی آئی کے ڈاکٹر نثار جٹ نے بھی اتفاق کرتے ہوئے کہا کہ حرمین شریفین کی حفاظت کے لیے لبیک کہنا ہمارا فرض ہے۔
دفاعی تجزیہ کار جاوید اقبال نے بتایا کہ پاکستان کے پاس 28 دن کا تیل اور 12 دن کی ایل پی جی موجود ہے اور اگر آبنائے ہرمز بند ہو جائے تو متبادل راستے سے تیل کی فراہمی کے لیے سعودی عرب کے ساتھ معاہدہ موجود ہے۔
