پنجاب اسمبلی کے رکن شیخ امتیاز محمود نے پارٹی بنیادوں پر بلدیاتی انتخابات کے اعلان پر سوالات اٹھاتے ہوئے الیکشن کمیشن کو خط لکھا ہے اور فوری وضاحت طلب کر لی ہے۔
مزید پڑھیں: اسلام آباد بلدیاتی انتخابات میں تاخیر: الیکشن کمیشن نے سیکریٹری داخلہ کو نوٹس جبکہ وزیر داخلہ کو طلب کرلیا
شیخ امتیاز محمود نے خط میں کہا کہ ایک ہی یونین کونسل میں 9 کونسلرز کے لیے ایک ہی پارٹی نشان کیسے دیا جائے گا اور ایک ہی پارٹی نشان پر متعدد امیدواروں کے انتخاب کا طریقہ کار کیا ہوگا، اس بارے میں واضح رہنمائی فراہم کی جائے۔
خط میں مزید کہا گیا کہ شفاف انتخابات کے لیے انتخابی قوانین اور ضابطوں کی تفصیل واضح کی جائے اور لاہور ہائی کورٹ میں زیر سماعت درخواست کے تناظر میں فوری وضاحت دی جائے۔
مزید پڑھیں: بنگلہ دیش: قومی انتخابات اور ریفرنڈم میں 59.44 فیصد ٹرن آؤٹ رہا، الیکشن کمیشن کا اعلان
انہوں نے الیکشن کمیشن سے قانونی نکات کے حوالے سے بھی وضاحت طلب کی تاکہ بلدیاتی انتخابات کے انعقاد میں کسی قسم کا ابہام یا الجھن پیدا نہ ہو۔
