امریکی صدر ڈونلڈ ٹرمپ نے ایران کے خلاف جاری عسکری کارروائیوں کو نہ صرف مشرق وسطیٰ بلکہ پوری دنیا کے لیے خدمت قرار دیا ہے۔
مزید پڑھیں: مشرق وسطیٰ میں امریکا کا فوجی نیٹ ورک کتنا وسیع ہے؟
فلوریڈا میں لاطینی امریکی رہنماؤں سے خطاب کرتے ہوئے ڈونلڈ ٹرمپ نے کہاکہ گزشتہ 3 دنوں میں ایرانی بحریہ کے 42 جہاز تباہ کیے جا چکے ہیں۔
انہوں نے مزید بتایا کہ امریکی حملوں میں ایران کے فضائی اور مواصلاتی نظام کو بڑے پیمانے پر نقصان پہنچا ہے۔
صدر ٹرمپ نے کہاکہ جنگ میں جانی نقصان ممکن ہے، تاہم کوشش یہی ہے کہ انسانی جانوں کو کم سے کم نقصان پہنچے۔
انہوں نے اس بات پر زور دیا کہ ایران کے خلاف امریکی جنگ ایک سروس ہے جو ہماری طرف سے پوری دنیا کو فراہم کی جارہی ہے۔
مزید پڑھیں: روس ایران کو امریکی فوجی تنصیبات کی معلومات فراہم کر رہا ہے، امریکی میڈیا چیخ اٹھا
اس موقع پر صدر ٹرمپ نے لاطینی امریکا کے حوالے سے بھی بات کی اور بتایا کہ منشیات فروش گروپوں کے خلاف کارروائیوں کے لیے ایک نیا فوجی اتحاد تشکیل دیا جا رہا ہے۔
