وزیراعظم شہباز شریف نے عیدالفطر کے موقع پر مختلف عالمی رہنماؤں سے ٹیلیفونک رابطے کرتے ہوئے انہیں مبارکباد دی اور خطے میں جاری کشیدگی سمیت اہم علاقائی و بین الاقوامی امور پر تبادلہ خیال کیا۔
یہ بھی پڑھیں:‘السلام و علیکم، عید مبارک’، سابق آسٹریلوی کھلاڑی میتھیو ہیڈن کا عید پر خصوصی پیغام
وزیراعظم نے مصر کے صدر عبدالفتاح السیسی سے گفتگو کے دوران دوطرفہ تعلقات کو مزید مضبوط بنانے کے عزم کا اعادہ کیا اور علاقائی و عالمی معاملات میں مصر کے تعمیری سفارتی کردار کو سراہا۔ دونوں رہنماؤں نے ایک دوسرے کو عید کی مبارکباد بھی دی۔
دریں اثنا، شہباز شریف نے ازبکستان کے صدر سے بھی رابطہ کیا، جس میں تنازعات کے حل کے لیے مکالمے اور سفارتکاری کو فروغ دینے پر اتفاق کیا گیا۔
وزیراعظم نے آذربائیجان کے صدر سے گفتگو میں آذربائیجان کے خلاف حملوں کی شدید مذمت کی، جبکہ ملائیشیا کے وزیراعظم سے بات چیت کے دوران خلیجی خطے میں جاری کشیدگی میں کمی لانے کی ضرورت پر زور دیا۔
مجموعی طور پر ان رابطوں میں وزیراعظم نے علاقائی استحکام، امن کے فروغ اور باہمی تعاون کو بڑھانے کی اہمیت پر زور دیا۔
