لاہور میں سی سی ٹی وی کیمروں کی مدد سے پولیس نے ایک ڈکیتی گروہ کو گرفتار کر لیا، جس کی واردات کی ویڈیو سوشل میڈیا پر وائرل ہو گئی۔
یہ بھی پڑھیں:لاہور میں 19 کروڑ کی ڈکیتی، ڈاکوؤں نے کیسے جیمرز لگا کر ڈکیتی کی؟
پولیس کے مطابق گلبرگ پولیس نے بیڈیاں کے علاقے سے 2 رکنی گروہ کو حراست میں لیا، جس پر کینال پل کے قریب ایک خاتون سے پرس چھیننے کا الزام ہے۔
واقعے کے دوران ملزمان کی کارروائی کی ویڈیو سی سی ٹی وی میں محفوظ ہو گئی تھی، جو بعد ازاں سوشل میڈیا پر تیزی سے پھیل گئی اور عوام کی توجہ کا مرکز بن گئی۔
پولیس کا کہنا ہے کہ ملزمان واردات کے دوران موٹر سائیکل سے گر کر زخمی بھی ہوئے۔ ان کے قبضے سے 2 پستول، چھینے گئے 6 موبائل فون، نقدی اور موٹر سائیکلیں برآمد کی گئی ہیں۔
یہ بھی پڑھیں:لاہورمیں گن پوائنٹ پر ڈکیتیوں میں ملوث میاں بیوی گرفتار
حکام نے کہا ہے کہ عوام کے جان و مال کے تحفظ کے لیے اقدامات جاری ہیں اور جدید ٹیکنالوجی کی مدد سے جرائم پیشہ عناصر کے خلاف کارروائی مزید تیز کی جا رہی ہے۔
