پاکستان کرکٹ کے سب سے بڑے ایونٹ، پاکستان سپر لیگ (پی ایس ایل) سیزن 11 کا آغاز آج قذافی سٹیڈیم لاہور میں دفاعی چیمپیئن لاہور قلندرز اور نئی ٹیم حیدرآباد کنگزمین کے درمیان افتتاحی میچ سے ہو رہا ہے۔ میچ شام 7 بجے شروع ہوگا، جس کے لیے سیکیورٹی اور دیگر انتظامات مکمل کر لیے گئے ہیں۔
افتتاحی میچ سے قبل دونوں ٹیموں نے ایل سی سی اے گراؤنڈ میں بھرپور پریکٹس سیشن کیے، جس میں بیٹنگ، باؤلنگ اور فیلڈنگ کی مشقیں شامل تھیں۔ کھلاڑی ایونٹ کا فاتحانہ آغاز کرنے کے لیے پُرعزم دکھائی دیے۔
𝑨𝒍𝒍 𝒆𝒚𝒆𝒔 𝒐𝒏 𝑰𝒏𝒇𝒊𝒏𝒊𝒕𝒚 🏆
The eight captains come together all in readiness to carve an exciting chapter in the history of HBL Pakistan Super League 🔥
📍Jinnah Library, Lahore#HBLPSL11 | #NewEra pic.twitter.com/nJAQB2eEr8
— PakistanSuperLeague (@thePSLt20) March 25, 2026
حیدرآباد کنگزمین کے کپتان مارنوس لبوشین نے کہا کہ ٹیم مضبوط کھیل پیش کرے گی اور کھلاڑی جلد ایک دوسرے کے ساتھ ہم آہنگ ہو جائیں گے۔ لاہور قلندرز کے کپتان شاہین آفریدی نے کہا کہ تیاری اچھی ہے اور مقابلہ سنسنی خیز ہوگا۔
مزید پڑھیں: کرکٹ شائقین کے لیے خوشخبری: پی ایس ایل 11 میں اردو کمنٹری اور ماہرانہ تجزیوں کا لطف اٹھائیں
پی ایس ایل 11 میں پہلی بار 8 ٹیمیں حصہ لے رہی ہیں، اور 44 میچز صرف 2 شہروں، لاہور اور کراچی میں 39 دنوں کے دوران بغیر تماشائیوں کے کھیلے جائیں گے۔ لاہور قذافی سٹیڈیم 22 میچز کی میزبانی کرے گا جبکہ نیشنل اسٹیڈیم کراچی میں بھی اتنے ہی میچز ہوں گے۔ پی سی بی نے خطے کی موجودہ صورتحال کے باعث افتتاحی تقریب منسوخ کر دی ہے۔
دوسری ٹیموں کی تیاری بھی جاری ہے، پشاور زلمی اور کوئٹہ گلیڈی ایٹرز نے ٹریننگ سیشن اور پریکٹس میچ کیے، تاہم ہلکی بارش کے باعث میچ میں تاخیر ہوئی۔
پشاور زلمی کے کپتان بابر اعظم نے کہا کہ ٹیم اچھی کرکٹ پیش کرے گی تاکہ شائقین ٹی وی پر لطف اندوز ہو سکیں۔ راولپنڈیز کے کپتان محمد رضوان نے کہا کہ سب کی کوشش ہوگی کہ اچھا کھیل پیش کریں اور پی ایس ایل مزید کامیاب ہو۔
Revised Schedule for HBL PSL 11 🏏
44 matches will be taking place in a space of 39 days with Lahore and Karachi each hosting 22 matches.
Read More: https://t.co/hgnFSKUQPD#HBLPSL11 | #NewEra pic.twitter.com/1Vz4WiHOMn
— PakistanSuperLeague (@thePSLt20) March 22, 2026
پی ایس ایل 11 میں دنیا بھر کے نامور کھلاڑی اور سابق اسٹارز پاکستان پہنچ چکے ہیں۔
مزید پڑھیں: پی ایس ایل 11، پی سی بی کی جانب سے ٹکٹ ریفنڈ پالیسی کا اعلان
راولپنڈیز کے بولنگ کوچ کورٹنی والش اور بنگلا دیش کے کھلاڑی رشاد حسین بھی لاہور میں موجود ہیں۔ تمام ٹیموں کے کپتانوں نے افتتاحی میچ سے قبل مشترکہ پریس کانفرنس میں ایونٹ کے لیے اپنے عزم کا اظہار کیا۔
