سابق کپتان راشد لطیف نے بال ٹیمپرنگ کے حالیہ تنازعے پر ردعمل دیتے ہوئے کہا ہے کہ وہ اس معاملے پر بات نہیں کر سکتے کیونکہ اس صورت میں انہیں اپنے دورِ کرکٹ کے واقعات کا بھی ذکر کرنا پڑے گا۔
انہوں نے کہا کہ اکثر ایسا ہوتا ہے کہ جب کوئی فلم ناکامی کا سامنا کر رہی ہو تو اسے متنازع بنا دیا جاتا ہے۔ اسی طرح اس معاملے میں بھی غیر ضروری طور پر بال ٹیمپرنگ کا عنصر شامل کیا گیا ہے جو زیادہ دیر تک خبروں کا حصہ نہیں بنے گا اور یہ خبر 24 گھنٹوں سے زیادہ نہیں چلے گی۔
🚨 Rashid Latif claims ball-tampering issue created by BROADCASTERS for TRP
Defending players, Latif said:
“I don’t want to talk about ball tampering. These controversies are created for headlines, broadcasters thrive on it. Now PSL will be in the news everywhere.” pic.twitter.com/1qveR5F0lO
— Brutal Truth (@sarkarstix) March 30, 2026
راشد لطیف کا مزید کہنا تھا کہ کوئی فلم فلاپ ہو رہی ہو تو اس کو متنازعہ بنایا جاتا ہے۔ اس کا بھی کچھ نہیں ہونا، بس بال ٹیمپرنگ کا تڑکا لگایا ہے۔اس نوعیت کے تنازعات محض سرخیوں میں آنے کے لیے پیدا کیے جاتے ہیں انہوں نے کہا کہ اس صورتحال کے نتیجے میں پاکستان سپر لیگ (پی ایس ایل) کو بھرپور توجہ حاصل ہوگی اور یہ ہر جگہ خبروں میں رہے گی۔
یہ بھی پڑھیں: پی ایس ایل میچ میں فخر زمان پر بال ٹیمپرنگ کا الزام، اوپنر سمیت شاہین شاہ آفریدی اور حارث رؤف مشکلات کا شکار
واضح رہے کہ پاکستان سپر لیگ (پی ایس ایل) 11 میں لاہور قلندرز اور کراچی کنگز کے درمیان کھیلے گئے میچ میں مبینہ بال ٹیمپرنگ کا معاملہ سامنے آ گیا جس نے شائقین کرکٹ اور سوشل میڈیا صارفین کی توجہ حاصل کر لی۔
بال سے چھیڑ چھاڑ کی ویڈیو سوشل میڈیا پر بھی وائرل ہوئی جس میں دیکھا جا سکتا ہے کہ لاہور قلندرز کے کپتان شاہین شاہ آفریدی، حارث رؤف اور فخر زمان کھڑے ہیں۔ فخر زمان حارث رؤف سے گیند لیتے ہیں اور کچھ ’چھیڑ چھاڑ‘ کے بعد گیند واپس انہیں کو تھما دیتے ہیں۔ لیکن اسی وقت امپائر حارث روف سے یہ گیند لے کر اسے تبدیل کر دیتے ہیں اور لاہور قلندرز پر 5 رنز کی پنلٹی لگا دیتے ہیں۔
