چٹوگرام میٹروپولیٹن پولیس کے سابق کمشنر و دیگر اہم عہدوں پر فائز رہنے والے عبدالجلیل کو سنہ 2013 کے شاپلا چتّر قتل کیس میں گرفتار کر لیا گیا ہے۔
یہ بھی پڑھیں: بھارتی میڈیا کمپنی جیو اسٹار نے بنگلہ دیش میں آئی پی ایل نشریاتی معاہدہ ختم کر دیا
پولیس کے مطابق انہیں پیر کی شام بنگلہ دیش کے دارالخلافے ڈھاکہ کے علاقے سبوج باغ میں ان کی رہائشگاہ سے گرفتار کیا گیا۔
یہ کارروائی اس مقدمے میں جاری وارنٹ کی بنیاد پر کی گئی جو دارالحکومت کے تجارتی مرکز شاپلا چتّر میں آپریشن کے دوران مبینہ ہلاکتوں سے متعلق درج کیا گیا تھا۔
ڈھاکہ میٹروپولیٹن پولیس کے ڈیٹیکٹو برانچ کے سربراہ محمد شفیق الاسلام نے بتایا کہ ملزم کو باقاعدہ وارنٹ کے تحت گرفتار کیا گیا ہے اور اسے منگل کو عدالت میں پیش کیا جائے گا۔
مزید پڑھیے: بنگلہ دیش میں فیول نگرانی سخت، پیٹرول پمپس پر ٹیگ آفیسرز تعینات کرنے کا فیصلہ
یہ کیس سنہ 2013 میں شاپلا چتّر میں کیے گئے ایک آپریشن سے متعلق ہے جس میں مبینہ طور پر زیادہ طاقت کے استعمال اور ہلاکتوں کے الزامات عائد کیے گئے تھے۔
