بنگلہ دیش حکومت نے اپریل کے لیے پیٹرولیم مصنوعات کی قیمتیں برقرار رکھنے کا فیصلہ کیا ہے، جس کے تحت ملک میں فی الحال موجود ریٹ ہی نافذ رہیں گے۔
حکومتی اعلامیے کے مطابق توانائی ڈویژن نے بنگلہ دیش پیٹرولیم کارپوریشن کو جاری نوٹیفکیشن میں واضح کیا کہ قیمتوں کو نظرثانی شدہ خودکار فیول پرائسنگ میکنزم کے تحت برقرار رکھا گیا ہے۔
یہ بھی پڑھیں: تیل کی فراہمی کے تنازع پر بنگلہ دیش میں ٹرک ڈرائیور نے فلنگ اسٹیشن منیجر کو کچل کر قتل کر دیا
موجودہ نرخوں کے مطابق ڈیزل کی قیمت 100 ٹکا فی لیٹر، ہائی آکٹین 120 ٹکا، پیٹرول 116 ٹکا ہے۔
دوسری جانب مٹی کا تیل 112 ٹکا فی لیٹر پر دستیاب رہے گا، یہ قیمتیں یکم اپریل 2026 سے بدستور نافذ العمل ہوں گی۔
اس سے قبل حکام کی جانب سے عندیہ دیا گیا تھا کہ عالمی منڈی میں قیمتوں کے اتار چڑھاؤ کو مدنظر رکھتے ہوئے نرخوں میں رد و بدل کیا جا سکتا ہے،
مزید پڑھیں: بنگلہ دیش میں فیول نگرانی سخت، پیٹرول پمپس پر ٹیگ آفیسرز تعینات کرنے کا فیصلہ
تاہم صورتحال کا جائزہ لینے کے بعد حکومت نے قیمتیں برقرار رکھنے کا فیصلہ کیا۔
حکام کا کہنا ہے کہ یہ اقدام مقامی صارفین کے لیے قیمتوں کو قابل برداشت رکھنے اور عالمی مارکیٹ کے اثرات میں توازن قائم رکھنے کی حکمت عملی کا حصہ ہے۔
