حکومت نے پیٹرولیم مصنوعات کی قیمتوں میں اضافے کے بعد عوام، ٹرانسپورٹ اور زرعی شعبے کے لیے ریلیف پیکیج کا اعلان کیا ہے تاکہ مہنگائی کے اثرات کم کیے جا سکیں اور شہریوں کی روزمرہ زندگی پر کم دباؤ پڑے۔
یہ بھی پڑھیں:پیٹرول مہنگا، گڈز ٹرانسپورٹرز کا کرایوں میں 60 فیصد اضافے کا اعلان
وزیرخزانہ محمد اورنگزیب کے مطابق اس پیکیج کے تحت موٹر سائیکل سواروں کو ماہانہ 20 لیٹر پر 100 روپے فی لیٹر سبسڈی دی جائے گی، انٹرسٹی پبلک ٹرانسپورٹ کے لیے ڈیزل پر 100 روپے فی لیٹر سبسڈی فراہم کی جائے گی، جبکہ ٹرک اور گڈز ٹرانسپورٹ کے لیے ماہانہ 70 ہزار روپے سبسڈی رکھی گئی ہے۔
بڑی مال بردار گاڑیوں کو ماہانہ 80 ہزار روپے سبسڈی دی جائے گی اور مسافر گاڑیوں کے لیے یہ سبسڈی ماہانہ 1 لاکھ روپے مقرر کی گئی ہے۔ کسانوں کے لیے فی ایکڑ 1500 روپے سبسڈی رکھی گئی ہے تاکہ زرعی شعبے کو بھی ریلیف فراہم کیا جا سکے۔
حکومت کا کہنا ہے کہ یہ اقدامات عوام، ٹرانسپورٹ سیکٹر اور زرعی شعبے کے لیے مالی تحفظ اور آسانی کا ذریعہ بنیں گے۔
